व्यापारी केडियाको अपहरणमा नेविसंघ केन्द्रीय सदस्य, अब काँग्रेसले के गर्छ ?

Posted on: June 08, 2016 | views: 521

२६ जेठ, काठमाडौं ।
ब्यापारी सुरेश केडियाको अपहरण लगत्तै संसदमा समेत अपहरणकारीमाथि कारवाही माग गर्दै विज्ञप्ति समेत निकाल्न भ्याएको नेपाली काँग्रेसकै एक युवा नेता केडियाको अपहरणमा संलग्न भएको पाइएको छ ।

केडीयाको अपहरणमा नेपालबाट नेपाल विद्यार्थी संघका केन्द्रीय सदस्य वीरेन्द्र यादवसहित ५ जनाले सहयोग गरेको बारा प्रहरीले सार्वजनिक गरेको छ ।
स्मरणीय छ केडियोको अपहरण भारतको बख्तर जेलमा रहेका बब्बु दुवेले गराएका हुन् ।

जिल्ला प्रहरी कार्यालय बाराले बुधबार पत्रकार सम्मेलन गरी यादवसहित चंचल पाण्डे, पुष्कर सिंह चधौर, जियालाल यादव र ब्रम्हपुरीलाई सार्वजनिक गरिएको डिएसपी विनोद शर्माले जानकारी दिए ।
 
दुबेकै योजनामा केडियाको अपहरण भएको उनले बताए। १ महिनाअघि दुवेसँग वीरेन्द्र यादवको जेलमा नै भेट भएको र दुवेको योजनामा अपहरण भएको उनले सुनाए। दुवेको केडियाको अपहरण गर्न नेपाल तर्फ यादवलाए खटाएको अनुसन्धानबाट खुल्न आएको उनले बताए।
 
अपहरणमा संलग्न ४ जना भारतीय नागरिक भने भारतमा नै पक्राउ परिसकेका छन्।
 
केडियाको अपहरण हुने केहिदिनदेखि उनीहरुले रेकी गरेका थिए।  केडियाको यही जेठ १३ गते साँझ अपहरण भएको भएको थियो । अपहरणपछि भारत पुर्याइएका केडियालाई प्रहरीले मोतिहारीबाट मुक्त गराएको थियो । केडिया अपहरण गर्ने क्रममा उनका चालक उमेश साहमाथि गोली प्रहार भएको थियो ।
 
अपहरण लगत्तै कारवाही माग गर्ने काँग्रेसले अब आफ्नै कार्यकर्तालाई के कारवाही गर्छ त्यो भने हेर्न बाँकी छ ।