शेरबहादुरले टोपबहादुरलाई भने, ‘चिरिप्प, अलिकति लागउनुपर्यो नि !’

Posted on: June 08, 2016 | views: 533

बुडी र चोर औंलो घुमाएर शेरबहादुर देउवाले टोपबहादुर रायमाझीलाई भने, ‘चिरिप्प, अलिकति लागउनुपर्यो नि !’टोपबहादुर पनि किन पछि पर्थे र ! ‘सभापतिज्यूले नै भनिसकेपछि सकिग्गो नि !’ भन्दै हँस्याङफस्याङ गर्न थालिहाले ।

जेठ पहिलो साता बुद्वभूमि लुम्बिनीमा देशका ठूला तीन पार्टी प्रमुखसहित देश–विदेशका गन्यमान्य, भद्रभलाद्मी भेला भए, विश्व बौद्व सम्मेलनको निम्ति ।

त्यहाँ ग्रेटवाल बनाउनेदेखि गुरुत्तर लुम्बिनी योजना सम्पन्न गर्नेसम्मका मामिला एकातिर थिए, तर कांग्रेस सभापति देउवा र एमाओवादी नेता रायमाझीको ध्यान्न चाहिँ अन्तै गयो ।शेबहादुरले मुखै खोलेर प्रस्ताव राखेपछि त्यही क्षेत्रका टोपबहादुर नहौसिउनु पनि किन ?

देउवालाई लिएर नजिकेको ठीकैखाले होटलमा पुगे । ‘हामी त आइयो के रे ! खान पाइने के–के छ र ?’ टोपबहादुरले होटलवालालाई सोधेपछि भने, ‘रक्सीबाहेक सबथोक छ मन्त्रीज्यू !’ खोजेको चिज नभएपछि टोपबहादुले देउवातिर हेर्दै होटलवालालाई अनुरोध गरे, ‘सभापतिज्यू नै आएपछि केही न केही व्यवस्था त गर्ने पर्च केरे ।’ आजको जनआस्था साप्ताहिकमा खबर छ ।

ओलीले प्रचण्डलाई भनेछन्, ‘भारतले तपाईलाई प्रधानमन्त्री बन्न दिँदैन, किन सरकार ढाल्ने खेलमा लाग्नुहुन्छ ?’

काठमाण्डु, २६ जेठ– प्रधानमन्त्री केपी शर्मा ओलीले गत आइतबार नेकपा माओवादी केन्द्रका अध्यक्ष पुष्पकमल दाहाल प्रचण्डलाई बोलाएर सम्झाउन सम्म सम्झाए छन् ।

यो सरकार गिराउन कुनै शक्ति परिचालित छ, सरकार गिरिहाल्यो भने भने त्यसपछिको राजनीतिक कोर्स कसरी अघि बढ्छ भन्ने ओलीले प्रचण्डलाई सविस्तार बुझाएका थिए ।

स्रोतकाअनुसार प्रधानमन्त्री ओलीले दाहाललाई बोलाएर तपाईलाई भारतले कुनै पनि हालतमा प्रधानमन्त्री बन्न दिँदैन, तपाई किन सरकार परिवर्तनको खेलमा लागेको ? भन्दै निकैबेर सम्झाएका थिए । कुराकानी सकिएपछि दाहालले मैले कुरा बुझे  भन्दै उठेर हिँडेका थिए । त्यसयता दाहालको बोलीमा यूटर्न भएको छ । सोमबार पोखरा पुगेर उनले आफू बहुमतीय सरकारको प्रधानमन्त्री नबन्ने बताए ।
बुधबार साप्ताहिकबाट