अम्बरलाई यसरी अस्ताइयो आर्यघाटमा

Posted on: June 07, 2016 | views: 671

२६ जेठ, काठमाडौं ।
वरिष्ठ सङ्गीतकार स्वर्गीय अम्बर गुरुङको पार्थीव शरीरलाइ पशुपती आर्यघाटमा राष्ट्रिय सम्मानका साथ अन्त्येष्टि गरिएको छ।

उहाँको पार्थिव शरीरमा सरकारका तर्फबाट उपप्रधान तथा रक्षामन्त्री भीम रावलले राष्ट्रिय झण्डा ओडाउनु भएको थियो भने जेठा छोरा किशोर गुरूङले दागवत्ती दिनु भएको थियो ।

उहाँको अन्त्येष्टिमा सहित्यकश्ररजक , सङ्गितकार, गितकार, शुभेच्छुक तथा ठूलो सख्यामा सर्वसाधार मानिसहरुको सहभागिता रहेको थियो ।

वरिष्ठ सङ्गीतकार स्वर्गीय गुरुङले पुर्‍याउनु भएको योगदानको उच्च मूल्याङ्कन गर्दै सरकारले  राष्ट्रिय सम्मानका साथ अन्त्येष्टि गर्ने निर्णय गरेको थियो ।

वरिष्ठ सङ्गीतकार स्वर्गीय गुरुङको ७९ बर्षको उमेरमा आज बिहान काठमाडौको ग्राण्डी अस्पतालमा निधन भएको थियो ।

अन्त्येष्टि अघि उहाँको शवलाई श्रद्धान्जलिका लागि प्रज्ञा प्रतिष्ठान कमलादीमा राखिएको थियो ।

वरिष्ठ सङ्गीतकार स्वर्गिय गुरुङको जन्म १९९४ फागुन १४ गते भारतको दार्जिलिङस्थित लालढिकीमा भएको थियो । ‘नौ लाख तारा उदाए’ गीत गाएपछी चर्चाको शिखरमा पुग्नुभएका उहाँ २०२४ सालमा नेपाल आउनुभएको थियो ।

वरिष्ठ सङ्गीतकार स्वर्गिय गुरुङले २०२६ देखि नेपाल प्रज्ञा–प्रतिष्ठानमा सङ्गीत निर्देशकका रुपमा काम गर्नुभएको थियो । उहाँ २०२७ सालमा गोरखा दक्षिणबाहुले विभूषित हुनुभयो । ‘मेरो देश, ‘सपना कतिपय’,   ‘जीवन रेखा’ आदि नेपाली चलचित्रलाई उहाँले सङ्गीतबद्ध गर्नुभएको थियो ।



त्यस्तै ‘फर्केर हेर्दा’, ‘जब घाम लाग्छ, ‘पहाड चिच्याइरहेछ’ जस्ता नाटक र गीति नाटक ‘मालती मङ्गले’ र ‘मुनामदन’ लगायतमा समेत उहाँले सङ्गीत भर्नुभएको छ ।

उहाँले करिब एक हजार गीतमा सङ्गीत भर्नुभएको थियो भने त्यसमध्ये छ–सात सय गीत उहाँकै स्वर र शव्दमा रहेका छन् । राष्ट्रगान ‘सयौँ थुङ्गा फूलका हामी एउटै माला नेपाली’ तथा सैनिक गान ‘रातो र चन्द्र सूर्य, जङ्गी निशान हाम्रो’का उहाँ सङ्गीतकार हुनुहुन्छ ।

प्रधानमन्त्री केपीशर्मा ओलीले स्वर्गीय अम्बर गुरुङको निधनमा दिनुभएको शोक सन्देश

प्रधानमन्त्री केपी शर्मा ओलीले नेपाली सांगीतिक आकाशका उज्ज्वल तारा एवं नेपाली राष्ट्रगानका संगीतकार अम्बर गुरुङको निधनले आपूmलाइ स्तब्ध तुल्याएको उल्लेख गर्दै  उहाँको निधन प्रति गहिरो दुःख ब्यक्त गर्नु भएको छ ।

प्रधानमन्त्रीका तर्फबाट जारी शोक सन्देशमा उहाँको निधनबाट नेपाली संगीत सिर्जनाको क्षेत्रमा अपुरणीय क्षति पुगेको उल्लेख छ ।

‘नौलाखतारा उदाए’ गीत बाट स्वर्गीय अम्बर गुरुङ स्वदेशमा मात्रै होइन ,विदेशमा पनि चर्चाको केन्द्रमा पुग्नुभएको प्रसङ्ग उल्लेख गर्दै प्रधानमन्त्रीले सो गीतबाट सुरु भएको उहाँको देशभक्तिपूर्ण उचाई नेपाली राष्ट्रगानको संगीतसम्म आइपुग्दा झनै माथि पुगेको बताउनुभएको छ ।

जति गह्रुंगा शब्दमा पनि कोमल संगीत भर्नसक्ने उहाँको खुवीले उहाँले संगीत भरेका गीतलाई नेपाली सांगीतिक क्षेत्रमा कालजयी बनाएको प्रधानमन्त्री ओलीले उल्लेख गर्नुभएको छ ।

नेपालीगीत संगीतको उन्नयनमा जीवन व्यतितगर्नु भएका स्वर्गीय अम्बर गुरुङ नेपालको सांगीतिक आकाशमा कहिल्यै ननिभ्ने ताराका रुपमा चम्किरहनु हुने उल्लेख गर्दै प्रधानमन्त्रीले  आफ्ना सिर्जनाहरुबाट स्वर्गीय गुरुङले नेपाल र नेपालीलाई लगाउनुभएको गुन मुलुकले सदा स्मरण गरिरहने बताउनुभएको छ ।


नेपाली कांग्रेसका सभापति शेर बहादुर देउबा –अम्बर गुरुङ प्रति श्रद्धान्जली


नेपाली कांग्रेसका सभापति शेर बहादुर देउबाले आजै बक्तव्य मार्पmत स्वर्गिय अम्बर गुरुङ प्रति श्रद्धान्जली व्यक्त गर्नु भएको छ ।

सभापति देउबाले जारी गर्नु भएको वक्तव्यमा स्वर्गिय गुरुङले नेपाली गित संगितका क्षेत्रमा पु¥याउनु भएको अतुलनिय योगदानको स्मरण गर्दे गुरुङको निधनबाट नेपाली संगित क्षेत्रले अभिभाबक गुमाएको बताउनु भएको छ ।

स्व. गुरुङप्रति एमालेद्वारा श्रद्धाञ्जलि

नेकपा 'एमाले'ले वरिष्ठ सङ्गीतकार अम्बर गुरुङको दुःखद् निधनबाट आफ्नो पार्टी स्तब्ध र मर्माहत भएको जनाएको छ । 

पाँच दशकभन्दा लामो सङ्गीत साधनाका क्रममा गुरुङले सङ्गीतबद्ध गर्नुभएका सयौँ गीतले नेपाली सङ्गीतको बेग्लै धार निर्माण गर्न, विशिष्ट नेपाली पहिचान स्थापित गर्न तथा नेपालको साङ्गीतिक क्षेत्रलाई नयाँ उचाइमा पु¥याउन अतुलनीय भूमिका खेलेको एमालेका सचिव प्रदीपकुमार ज्ञवालीले आज जारी गर्नुभएको विज्ञप्तिमा उल्लेख छ ।

'priceless diamond' Late Gurung Cremated with national Honours