अम्बर गुरुङप्रद्धि श्रद्धाञ्जली होइन स्वास्थ्यलाभको कामना गरौं, उहाँको मृत्यु भएको छैन

Posted on: June 06, 2016 | views: 730

२४ जेठ, काठमाडौं ।
बरिष्ठ संगीतकार अम्बर गुरुङको मृत्यु भएको भन्दै केही अनलाईन र सामाजिक सञ्जालभर समाचार फैलिएपनि अस्पतालले उहाँको अवस्था गम्भिर रहेपनि कुनैदुखद खवर नआइसकेको बताएको छ ।

गुरुङका परिवारजनले समेत मृत्युको खवर आउनु दुखद भएको भन्दै स्वास्थ्य अवस्था स्थिर रहेको जानकारी दिएको छ ।

अम्बर गुरुङका छोरा राजुले जिउँदै रहेको मानिसलाई मृत्यु भइसकेको भन्दै खवर आउँदा आफु दुखी र हैरानीमा परेको बताउनुभयो ।

अस्पताल प्रशासनले पनि गुरुङको अवस्था स्थिर रहेको भन्दै मृत्युको हल्ला झुटो भएको प्रतिक्रिया दिएको छ ।

यसअघि टपनेपालन्युजडटकमले समेत ईकान्तिपुरमा प्रकाशित समाचारलाई आधार बनाएर श्रोत उदृत गर्दै प्रकाशित गरेको अम्बर गुरुङ बारेको समाचारमा क्षमा माग्दछौं ।