असक्त महिला करणी आरोपमा एक बृद्ध पक्राउ

Posted on: June 06, 2016 | views: 753

२४ जेठ, विर्तामोड ।
झापाको चकचकी गाविस– ६ की ४८ वर्षीया एक महिलालाई जवरजस्ती करणी गरेको अभियोगमा प्रहरीले गयराती  एक व्यक्तिलाई पक्राउ गरेको छ ।

पक्राउ पर्नेमा सोही ठाउँका ६० वर्षीय जीतवहादुर सुव्वा रहेका् छन् । उनलाई इलाका प्रहरी कार्यालय बिर्तामोडको प्रहरी टोलीले पक्राउ गरेको र इलाका प्रहरी कार्यालय बिर्तामोडमा राखेर अनुसन्धान भइरहेको बताइएको छ ।

बोल्न नसक्ने महिलालाई सुब्बाले जवरजस्ती करणी गरेको खवर प्राप्त भएलगत्तै उनलाई पक्राउ गरिएको इलाका प्रहरी कार्यालय बिर्तामोडका प्रहरी नायव उपरीक्षक खड्गवहादुर खत्रीले जानकारी दिनुभयो ।

पीडित महिलाको मेची अञ्चल अस्पताल भद्रपुरमा राति नै स्वास्थ्य परीक्षण गरिएको प्रहरीले जनाएको छ ।