भारतको मोतिहारीबाट व्यापारी सुरेश केडिया सकुशल अपहरण मुक्त

Posted on: May 29, 2016 | views: 837

काठमाडौं,जेठ १६ ।  बाराबाट अपहरणमा परेका व्यापारी सुरेश केडिया अपहरणमुक्त भएका छन् । बिहीबार साँझ अपहरणमा परेका केडियालाई नेपाल प्रहरी र भारतीय प्रहरीको संयुक्त टोलीले बिहारको मोतिहारीबाट सकुशल अपहरण मुक्त गरेको छ। व्यापारिक कामले बाराको बरियारपुर जाँदा उनलाई  भारतीय नम्बर प्लेटको गाडीमा आएका व्यक्तिले चालकलाई गोली हानि अपहरण गरेका थिए । भारतीय सञ्चारमाध्यमहरुले पनि केडियालाई अपहरणमुक्त गरिएको बताएका छन् । पर्साका प्रमुख जिल्ला अधिकारी केशव घिमिरेले पनि व्यापारी केडिया अपहरणमुक्त भएको सुनिएपनि यसबारे थप प्रष्ट हुन बाँकी रहेको बताए ।