सम्मानित मानपदवी, अलङ्ककार र पदक जति अधिकाशं नेता र ठूलाठालुलाई (नामावली सहित)

Posted on: May 28, 2016 | views: 491

१६ जेठ, काठमाडौं ।

गणतन्त्र दिवसका अवसरमा सरकारले विभिन्न महानुभावलाई मानपदवी, अलङ्ककार र पदक प्रदान गर्ने घोषणा गरेको छ ।  

जस अन्तर्गत जननेता  मदनकुमार भण्डारीलाई नेपाल रत्न मानपदवी मरणोपरान्त प्रदान गरिने भएको छ ।

यस्तै पूर्व पुर्वप्रधानमन्त्री सुशील कोइराला मरणोपरान्त  र पूर्व सभामुख सुवास चन्द्र नेम्वाङ्गलाई राष्ट्रगौरब मानपदवी प्रदान गरिने गृह मन्त्रालयद्वारा जारी प्रेस विज्ञप्तिमा उल्लेख छ ।

महाउज्ज्वल र्कीर्तिमय राष्ट्रबीद मानपदवी बाट पूर्व प्रधानमन्त्री  सूर्य बहादुर थापा, राजनीतिज्ञ स्व। नरबहादुर कर्माचार्य, स्व। निर्मल लामा, स्व। पोष्ट बहादुर बोगटी र राजनीतिक रामशरी जोशी सम्मानित हुनु भएको छ ।

यसैगरि प्रसिद्ध प्रवक्ता जनसेवा श्री बाट पाँच जना, सुर्किर्तिमय राष्ट्रदीपबाट ६ जना, सुप्रवल जनसेवा श्री मानपदवी ८२ जना, प्रबल जनसेवा श्री १३५ जना र जनसेवा श्री ५१ जना गरि कुल २८७ जनालाई मानपदवी प्रदान गर्ने घोषणा गरिएको छ ।

त्यसैगरी १६ जना महानुभावलाई अलंकार र ६५ जना महानुभावलाई पदक प्रदान गर्ने घोषणा गरिएको गृह मन्त्रालयले जनाएको छ ।

५६ हजार २ सय ७९ जनालाई प्राकृतिक प्रकोप पीडितोद्धार पदक, १८ औं सार्क शिखर सम्मेलनमा खटिएका कर्मचारी लगायत २५ हजार १ सय २२ लाई कदरपत्र प्रदान गर्ने निर्णय गरिएको छ ।

कालिकोटमा भएको विमान  दुर्घटनामा यात्रुहरुलाई जोगाउने विमान चालकहरु दिनेश न्यौपाने र सन्तोष रानालाई मरणोपरान्त बीरता पदक प्रदान गर्ने पनि गृह मन्त्रालयले जनाएको छ ।




विभिन्न खेल संग सम्बन्धित नेपाली राष्ट्रिय खेलाडीहरुलाई नेपाल सरकारले गणतन्त्र दिवशको अवसरमा सरकारले घोषणा गरेको विभिन्न मानपदविबाट सम्मानित गर्ने भएको छ ।

प्रवल जनसेवा श्री पुरस्कारबाट फुटबलका उदयमा स्ट्राईकर नवयुग श्रेष्ठ र अल्ट्रा म्याराथन धाविका मिरा राईलाई प्रदान गरिने भएको छ ।

नवयुग श्रेष्ठले १२ औँ दक्षिण यशियाली खेलकुदमा नवयुग श्रेष्ठले उत्कृष्ठ स्ट्राईकरको उपाधि प्राप्त गरेका थिए ।

मिरा राई अल्ट्रा म्याराथनको विश्व वरियता क्रममा दोस्रो स्थानमा रहेकी छिन् ।

जुडो खेलाडी नीमा घर्ती मगर र कराँते खेलाडी बिमला तामाङ्गलाई पनि प्रवल जनसेवा श्री पुरस्कारबाट सम्मानित गरिने छ ।

सन् २०१४ को यशियाली खेलकुदमा एक मात्र स्वर्ण पदक विजेता बिमला तामाङ्ग र १२ औँ सागमा एक काँस्य र ३ रजत पदक विजेता गौरीका सींहलाई पनि श्री जनसेवा पदक बाट सम्मानित गरिने 
छ ।

महिला राष्ट्रिय फुटबल खेलाडी अनु लामा, पुरुष राष्ट्रिय फुटबल खेलाडीहरु रन्जन विष्ट, आदित्य चौधरी, अमृत चौधरी र मानबाहादुर लामालाई स्वीकृती पदक प्रदान गरिने छ ।

यसैगरी भलिबल खेलाडीद्वय बिनिता बुढाथोकी र सरस्वती चौधरीलाई पनि स्वीकृती पदक प्रदान गरिने छ ।