म्याग्दीको बैसरी अझै पहिरोको जोखिममा

Posted on: May 24, 2016 | views: 330

११ जेठ, म्याग्दी ।
म्याग्दीको राम्चेस्थित बैसरीमा एक वर्षअघि पहिरोले कालीगण्डकी नदी थुनिएको स्थलमा अझै पहिरोको जोखिम रहेको प्राविधिक अध्ययनले देखाएको छ ।

पहिरो खसेको ठाउँको स्थलगत अध्ययन गरेको प्राविधिक टोलीले बैसरीमा अझै पहिरो खस्ने जोखिम रहेकाले त्यहाँ बसोबास नगर्न र पहिरो नरोकिँदासम्म भौतिक संरचना निर्माण नगर्न अनुरोध गरेको छ ।

जिल्ला विपद् व्यवस्थापन समितिले खटाएको अध्ययन टोलीका संयोजक, भूसंरक्षण अधिकृत दिवाकर पौडेलले भूकम्पका कारण चर्किएको दुई तिहाइ पहाड खसिसकेको र एक तिहाइ जमिन अझै चिरा र प्वाल परेकाले जुनसुकै बेला पहिरो जाने खतरा रहेको बताउनुभयो ।