जुनियर प्रहरी अधिकृत र जवानको गुनासो,काम गर्ने हामी, जस लिनेचाहिँ हाकिम !

Posted on: May 02, 2016 | views: 206

काठमाडौं,बैशाख १४ ।  ‘काम गर्ने हामी, ज्यानै जोखिममा राखेर रातदिन खट्दै अपराधी समातेर ल्याउने पनि हामी, तर जस पाउने, बढुवा खाने अनि राम्रो ठाँउमा सरुवा पाउनेचाहिँ हाकिमसाव ?’ यो प्रश्न नेपाल प्रहरीका जुनियर अधिकृतका हुन् । प्रहरी प्रधान कार्यालय काठमाडौं उपत्यकाका जुनियर प्रहरी अधिकृत, हवल्दार, तथा जवानहरुकेा पीडा बुझ्न खटाइएको टोलीसँग उनहिरुले यस्तो पीडा पोखेका आजको राजधानी दैनिकमा समाचार छ ।

टूला अपाराधीलाई पक्राउ गर्ने सूचना संकलन गर्ने अपराधीलाई पारिवारिक सामाजिक र आर्थिक अवस्थाको जानकारी लिने काम सबैमा जुनियर प्रहरीकै भूमिका रहेने गरेको यथार्थलाई हाकिमहरुले भुल्ने गरेको यथार्थलाई पनि उनीहरुले राम्रैसँग उजागर गरेका छन् ।

उनीहरुले सोवा सुविधा, आन्दोलनका समयमा भोकै बस्नु पर्ने १२ घण्टा भन्दा बढी समय ड्युटीमा खटिनुपर्ने लगायतको गुनासो पनि पोखेका थिए ।