भक्तपुरको प्रसिद्ध बिस्केटजात्राको तयारी पुरा, जात्रा भोलीबाट

Posted on: May 03, 2016 | views: 147

२६ चैत, भक्तपुर ।
भक्तपुरको प्रसिद्ध ऐतिहासिक एवं साँस्कृतिक महत्व बोकेको लिच्छवीकालिन बिस्केट जात्रा भोलीबाट सुरु हुँदैछ । बिस्केट जात्राको सम्पूर्ण तयारी पुरा भएको  ्गुठी संस्थान भक्तपुरले जानकारी दिएको छ ।

नयाँ बर्षको शुभारम्भसँगै सुरु हुने तान्त्रिक महत्वको जात्रामा यसवर्ष करिब २६ लाख रुपैया खर्च हुने संस्थानका भक्तपुर प्रमुख लेखनाथ सापकोटाको भनाई छ ।

जात्रा अबधिभर प्रहरी प्रशासनले सुरक्षा ब्यबस्था कडा पारेको छ । जात्राका लागि नेपाल प्रहरी, शसस्त्र प्रहरी र सिविल प्रहरी गरि ११ सय प्रहरी परिचालन गरिने भएको छ ।

विगत २० वर्षअघि देखि जात्रामा रथ तान्दा झगडा हुने र ढुङ्गा प्रहार गर्ने परम्परा बसेपछि यसलाई हटाउन यसवर्ष भक्तपुर जिल्ला प्रशासन र प्रहरीले सुरक्षा व्यबस्था कडा पारेको प्रहरी उपरीक्षक किरण बज्राचार्यले जानकारी दिनुभयो ।

खानेपानी एवं सरसफाईको पूर्ण ब्यबस्था गरिएको, जात्रामा लोडसेडिङ्ग नगर्ने ब्यबस्था गरिएको छ ।

नयाँवर्षको चार दिन अगाडिदेखि सुरु भई नयाँवर्षको पाँचदिन पछिसम्म संचालन हुने बिस्केट जात्रा भक्तपुरका बासिन्दाले आठरात नौ दिनसम्म धुमधामका साथ मनाउने गर्दछन् । बिस्केट जात्राको पहिलो दिन भोली शनिवार चैत २७ गते भैरवनाथ र भद्रकालीको रथ तानिनेर जात्रा सुरु हने परम्परा रहेको छ ।

तल्लो टोल र माथिल्लो टोलका बासिन्दाले रथलाई आ–आफ्नो टोलमा लैजादा रथ तान्दा ढुङ्गा हानाहान हुँदा अप्रिय घटना समेत घट्ने गरेको छ