'फेरी भारतले नाकाबन्दी गरे चीनले हस्तक्षेप गर्छ'

Posted on: April 30, 2016 | views: 172

२५ चैत, काठमाडौं ।
फेरी पनी भारतले नेपालमाथि नाकाबन्दी गरेमा चीनले हस्तक्षेप गर्ने चीनका लागि नेपाली राजदूत डा. महेश मास्केले बताउनुभएको छ ।

चीनले नेपाललाई दिएको महत्व तथा नेपालसँग भएको सम्झौता एवं नेपालसँग भएको १५ बुँदे संयुक्त वक्तव्यले यसलाई पुष्टि गर्ने राजदूत मास्केले बताउनुभयो ।

चीन नेपाललाई सबै खाले ईन्धन दिन तयार रहेको भन्दै राजदूत मास्केले केही व्यवहारिक र कानुनी प्रक्रिया बाँकी रहेको बताउनुभयो ।

नाकाबन्दीपछि भारतसँगको नेपाल सम्वन्ध विग्रिएपछि प्रधानमन्त्री केपी शर्माओलीले भारतको भ्रमण गरेर सम्वन्ध सुधारको प्रयास गरेको उल्लेख गर्दै राजदूत मास्केले भारत अब फेरी नेपालमाथि नाकाबन्दी लगाउन नसक्ने अवस्थामा पुगेको बताउनुभयो ।

चीनले नेपाललाई गर्ने सहयोगका कारण समेत भारत नेपाललाई नाकाबन्दी गरेर आफुले भने अनुसार गराउन दवाव दिन नसक्ने अवस्थामा पुगेको राजदूत मास्केको भनाई छ ।

कथंकदाचित भारतले फेरि नाकाबन्दी लगाएमा चीन नेपालको सबै समस्या समाधान गर्न खुल्ला रुपमा उत्रने राजदूत मास्केले बताउनुभयो ।

‘नेपाल-भारत सम्बन्धमा भइरहेको सुधारलाई फेरि बिगार्ने मनसायमा भारत छ जस्तो मलाई लाग्दैन’नयाँ पत्रिकासँगको अन्तर्वार्तामा राजदूत मास्केले भनेका छन्, ‘यद्यपि त्यस्तो घटना फेरि दोहोरिए चीन हरसम्भव तरिकाले नेपालको सहयोगका निम्ति आउन बाध्य हुनेछ ।’