टेस्ट ट्युब बेबी सेवा ठप्प

Posted on: May 02, 2016 | views: 348

काठमाडौं,चैत २३ । भूकम्पका कारण बन्द भएको थापाथलीस्थित परोपकार प्रसुति तथा स्त्रीरोग अस्पतलको टेष्ट ट्युब बेबी सेवा वर्ष दिनसम्म पनि सञ्चालनमा आउन नसक्दा सेवाग्राही प्रभावित भएका छन् । सरकारी स्तरमा पहिलो पटक सुरु गरिएको अस्पपतालको आईभीएफ सेवा भनव अभाबले सञ्चालन गर्न नसक्दा आर्थिक अवस्था कमजोर भएका सयौं महिला चिन्तित भएको आजको अन्नपूर्णमा समाचार छ ।

भूकम्पबाट दुई सय ६३ शय्या क्षमताको निशान्त भवनमा क्षति पुग्दा अन्य सेवासँगै उक्त सेवा पनि बन्द भएको थियो । अन्य स्वास्थ्य सेवालाई निरन्तरता दिएर दिइए पनि बाँझोपन भोगिरहेका दम्पतीका लागि महत्वपूर्ण मानिएको आईभइएफ सेवा सञ्चालकमा प्रशासनले चासो नदिएको अस्पतालका कर्मचारी बताउँछन् ।

निजी अस्पतालमा ६ लाख रुपैयाँसम्म तिर्नुपर्ने आईभीएफ सेवाका लागि उक्त अस्पतालमा एक लाख ६० हजार रुपैयाँ तोकिएको थियो । बाहिर सेवा निकै महँगो भएका कारण कुरिरहेका सेवाग्राही ६ महिनादेखि अस्पताल धाइरहेका छन् । अस्पतालका निर्देशक डा. जागेश्वर गौतमले आईभीएफ सेवा छिट्टै सञ्चालन गर्न भवनको व्यवस्था गरिएको तथा सेवामा खटिने चिकित्सक तथा नर्सलाई तालिम लिन भारत पठाइएको बताए ।