भारतीय किर्तिमान तोड्दै टुँडिखेलमा बाचन भयो बुद्ध बचन (भिडियो सहित)

Posted on: March 03, 2018 | views: 2743

काठमाडौं ।

राजधानी काठमाडौंको टुँडिखेलमा भगवान गौतमबुद्धको बचन धम्मपद बाचन गरेर ७५ हजार बढी नेपालीले नयाँ रेकर्ड कायम गरेका छन् ।


विश्व कीर्तिमान बनाउने प्रयास स्वरुप प्रधानमन्त्री केपी शर्मा ओली र माओवादी अध्यक्ष प्रचण्ड समेत समेत सहभागी भएको कार्यक्रममा एकसाथ बुद्ध बचन बाचन गरिएको थियो ।


पूर्वपर्यटनमन्त्री आनन्द पोखरेलका अनुसार ७५ हजार आधिकारिक पास लिएर सहभागी भएका थिए । त्यति नै मानिस पास नलिई प्रवेश गरेको भन्दै उनले भने, डेढ लाखले एकसाथ बुद्धबचन बाचन गरेका छन् ।’


यसलाई गिनिज बुद्ध अफ दि वर्ल्ड रेकर्डले मान्यता दिन बाँकी छ ।


‘धेरै मानिस एकै ठाउँमा जम्मा भएर एकसाथ पढेको’ रेकर्ड अहिले भारतको नाममा छ । भारतको आर्ट अफ लिभिङ फाउन्डेसनले ४६ हजार ६६० जनालाई राखेर कविता बढेर यो रेकर्ड बनाएको थियो ।


कार्यक्रममा प्रधानमन्त्री ओलीले बुद्ध नेपालको लुम्बिनीमा जन्मेको सत्यतामा भ्रम नछर्न विश्व समुदायलाई आग्रह गरे ।



 अझै पनि कतिपय शैक्षिक संस्थाले बुद्धको जन्मबारे भ्रम श्रृजना गर्ने काम गरेको भन्दै उनले विश्वका सबै सरकार, देश र विश्वविद्यालयलाई अब अलमलमा नपर्न आग्रह गरे ।