मतदान केन्द्र रहेको भरतपुर महानगरपालिका वडा कार्यालयमा शक्तिशाली बम विस्फोट

Posted on: December 03, 2017 | views: 273

चितवन ।

चितवनको भरतपुर महानगरपालिका स्थित ५ नम्बर वडा कार्यालयमा आज बिहान शक्तिशाली बम विस्फोट भएको छ । बम विस्फोटबाट वडा कार्यालय र त्यससँगै रहेको नेपाल रेडक्रस सोसाइटी नारायणपुर उपशाखा कार्यालय भवनमा क्षति पुगेको छ ।

जिल्ला प्रहरी कार्यालयका चितवनका अनुसार बिहान दुई बजे ग्रिनेट विस्फोट भएको थियो । मंसिर २१ गते हुन लागेको चुनावको मतदानको केन्द्र यही वडा कार्यालयमा राखिएको छ ।


वडा अध्यक्ष पदमपाणि सुवेदीले वडा कार्यालय, रेडक्रस कार्यालय र वरपरका सर्वसाधारणको घरका झ्यालका शिसा फुटेको जानकारी दिएका छन ।


वडाध्यक्ष सुवेदीको घर अगाडि फेला परेको विष्फोटक पदार्थलाई भने नेपाली सेनाको टोलीले निष्कृय बनाएको छ ।