मकवानपुरमा खुँडाले हानेर तीनजनाको हत्या, बाबु छोरा र एक बृद्धको निधन

Posted on: November 15, 2017 | views: 211

मकवानपुर ।

पश्चिम मकवानपुरको मनहरीमा खुँडा प्रहारबाट तीनजनाको ज्यान गएको छ । 


अन्धाधुन्द खुँडा प्रहार हुँदा मनहरी ७ का स्थानीय ५२ वर्षका सीताराम धिताल, उनका छोरा १६ वर्षका सुमन धिताल तथा ६५ वर्षका जीत बहादुर ब्लोनको ज्यान गएको हो । 


घरबाट निस्केर सुमन बराइलीले एक्कासी खुँडा प्रहार गरि हत्या गरेको जिल्ला प्रहरी कार्यालय मकवानपुरका प्रमुख एसपी विकासराज खनालले जानकारी दिनुभयो ।


हत्या गर्ने सुमन बराईलीलाई प्रहरीले नियन्त्रणमा लिएको छ । घटनाको बिषयमा थप अनुसंधान भइरहेको उहाँले जानकारी दिनुभयो ।

हत्याको कारण भने खुल्न नसकेको पनि प्रहरीले जानकारी दिएको छ ।