मन्त्री जनार्दन शर्मा चढेको गाडीमा बम प्रहार

Posted on: November 10, 2017 | views: 420

रुकुम । नेकपा माओवादीका नेता तथा रुकुम प्रतिनिधिसभाका उम्मेदवार एवं बिना विभागीय मन्त्री जनार्दन शर्मा चढेको गाडीमा बम प्रहार भएपनि मानवीय क्षति भने भएको छैन । 


आज चौरजहारी नगरपालिका ८, गोईरीमा चुनावी प्रचारको क्रममा नेता शर्मा चढेको गाडीलाई लक्षित गरेर बम प्रहार  भएको जिल्ला प्रहरी कार्यालय पश्चिम रुकुमका प्रमुख राजेन्द्र प्रसाद धमलाले जानकारी दिनुभयो ।


उहाँका अनुसार सुरक्षाकर्मी र कार्यकर्ताहरुको उच्च सजगताका कारण कुनै मानवीय क्षति भने भएको छैन । 


बम कुन व्यक्ति वा समूहले प्रहार गरेको हो भन्ने कुनै एकिन नभएपनि निर्वाचन बिथोल्न खोज्ने समूहबाट त्यस्तो गतिविधि भएको र अनुसन्धान जारी रहेको प्रहरीले बताएको छ ।