नारायणगढ–मुग्लिन सडक बिस्तार आइतबारदेखि

Posted on: November 09, 2017 | views: 301

चितवन ।

नारायणगढ–मुग्लिन सडक विस्तारका लागि आउँदो आइतबारदेखि पुनः भित्तो काट्ने कामलाई निरन्तरता दिइने भएको छ । 

वर्षा र चाडपर्वको समय परेका कारण भदौ २८ गतेदेखि भित्तो काट्ने काम रोकेर सवारी सञ्चालन गरिँदै आएको थियो ।

नारायणगढ–मुग्लिन सडक आयोजनाका प्रमुख चन्द्र नारायण यादवका अनुसार सवारी चाप कम भएको समय पारेर केहीबेर सवारी रोकी भित्तो काट्ने योजना तय गरिएको छ ।

बिहान ७ बजेदेखि ८ बजेर ३०मिनेटसम्म, ११ बजेदेखि १२ बजेसम्म, दिउँसो १ बजेदेखि २ बजेसम्म र दिउँसो ३ बजेदेखि ४ बजेसम्म सवारी रोकेर भित्तो काट्ने सहमति गरिएको यादवले बताउनुभयो ।

स्थानीय प्रशासन, प्रहरी, आयोजना र ठेकेदार कम्पनीहरूका बीचमा भएको संयुक्त छलफलपछि छोटो समय सवारी रोकर भित्तो काट्ने कामलाई निरन्तरता दिने सहमति भएको यादवले बताउनुभयो ।