भूकम्पको दोश्रो किस्ता लिएर फर्किएका ४ जना घर पुग्न पनि पाएनन्, ७ जना गम्भिर घाईते

Posted on: November 06, 2017 | views: 143

सिन्धुली ।

सिन्धुलीको फिक्कल गाउपालिका ४ टर्कीबेसीमा बुलेरो दुर्घट्ना हुदाँ ४ जनाको मृत्यु भएको छ । अन्य ७ जना गम्भिर घाईते भएका छन् ।

खुर्कोटबाट खाङसाङ तर्फ जाँदै गरेको बा ७ च ३६९५ नम्बरको बोलेरो दुर्घटना भएको हो ।

उकालो चढ्ने क्रममा सडकबाट करिब एक सय मिटर तल खेतमा खसेर दुर्घटना भएको जिल्ला प्रहरि कार्यालय सिन्धुलीले जनाएको छ ।

दुर्घटनामा फिक्कल गाउँपालिका ४ का ४० वर्षीय अम्बर बहादुर दर्लामी, रामप्रसाद बराल, ५९ बर्षीय दिप बहादुर मगर र ६० बर्षीय नरबहादुर बलम्पाकी मगरको मृत्यु भएको जिल्ला प्रहरी कार्यालय सिन्धुलीका प्रहरि नायव उपरीक्षक विनोद शर्माले जानकारी दिनुभयो ।

घाइतेहरुको शुभजीवन अस्पताल खुर्कोटमा उपचार भैरहेको प्रहरि नायव उपरीक्षक शर्माले जानकारी दिनुभयो ।

गाडी चालक फिकल गाँउपालिका ३ खोलागाँउ बस्ने ३५ बर्षीय यज्ञ राना मगरलाई प्रहरीले पक्राउ परेको छ । अधिकांश यात्रुहरु भुकम्पको दोश्रो किस्ताको रकम लिएर घर फर्केका थिए ।