टिचिङ्ग अस्पतालको लापरवाहीले एक वृद्धा ईन्तु न चिन्तु

Posted on: May 02, 2016 | views: 245

काठमाडौ, चैत १९ । त्रिवि शिक्षण अस्पताल अन्र्तगतको मनमोहन कार्डियोलोजिका चिकित्सकहरुको लापरवाहीले रौतहट पतौराका ७५ वर्षिय जवाहर साहको अवस्था ईन्तु न चिन्तुको अवस्थामा पुगेको छ । मुटुमा भएको ब्लकेज हटाउन एनजीओ प्लास्टि गराउन चैत्र १ गते अस्पतालमा भर्ना भएका साहको चैत्र १० गते सफल अप्रेसन गरिए पनि अप्रेसन थिएटरमा चिकित्सकहरुको लापरवाहीले उनी लड्दा टाउको, गाला र गर्दनको हड्डी भाचिनुका साथै आँखामा रगत जम्दा साहको अवस्था झनै जटिल बन्न पुगेको हो । 

साहका छोरा अरुण कुमार साहले शुक्रवार रिपोर्टर्स क्लब नेपालमा पत्रकार सम्मेलन गरेर अप्रेसन थिएटरमै ह्विल चेयरमा राख्दा लडेर त्यस्तो भएको जवाफ डा. रत्नमणी गजुरेलले दिएको जानकारी दिदै सिटी स्क्यान गर्दा टाउकोको हड्डी फुटेर रक्तश्राब भएको , घाटीको हाड सरेको, गालाको हड्डी भाचिएको र आखाभित्र रक्तश्राब भएर झनै ईन्तु न चिन्तुको अवस्थामा रहेको बताए । 
उनले अस्पतालको लापरवाहीको विषयमा आफूले पटक पटक ध्यान आर्कषित गर्दा समेत उपचारको साटो उल्टै डिस्चार्ज गर्ने षडयन्त्र थालेपछि आफू बाध्यताबस गुहार माग्न पत्रकार सम्मेलन गर्न बाध्य भएको भन्दै आफ्नो बुबाको अवस्थाको विषयमा निष्पक्ष छानविन गरेर उनको निशुल्क उपचारको ब्यवस्था हुनु पर्ने बताए । 
साहले आफूले महानगरिय प्रहरी बृत्तमा समेत यस विषयमा उजुरी दिईसकेको भन्दै आफूलाई न्याय दिलाई दिन पहल गर्न सबैसँग आग्रह गरे । 
उनले अस्पतालकै गल्तीको कारण आफ्नो बुबाको अवस्था खराब भएकोले उनको निशुल्क उपचार र केही भए त्यसको जिम्मेवारीसहित क्षतिपूर्तिको माग गरे ।