असुरक्षित यातायात ! उदयपुरमा जिप दुर्घटना ९ र गुल्मीमा माइक्रो दुर्घटनमा ७ जनाको मृत्यु

Posted on: October 30, 2017 | views: 272

उदयपुर ।

सिद्धिचरण लोकमार्ग अन्तर्गत उदयपुरको कटारी नगरपालिका–११ स्थित ठाटीमा सुमो जीप दुर्घटना हुँदा ९ जनाको घटनास्थलमा नै मृत्यु भएको छ ।

उदयपुरको कटारीबाट ओखलढुंगा जाँदै गरेको ना १ ज ३४०४ नम्बरको सुमो जिप आज दिउँसो दुर्घटना भएको हो । 


इलाका प्रहरी कार्यालय कटारीका अनुसार चालक हरि कार्कीसहित ११ जना यात्रु रहेको सुमो जिप ठाटीको सडकको भिरबाट ५०० मिटर तल खसेको थियो । 


घटनास्थलमा उद्धार कार्य जार रहेको प्रहरीले जनाएको छ । 


माइक्रो बस दुर्घटनामा परी ७ को मृत्यु 




गुल्मी । बुटवलबाट गुल्मीको सदरमुकाम तम्घास जाँदै गरेको माइक्रो बस आज गुल्मीको वीरवासमा दुर्घटना हुँदा ७ जनाको मृत्यु भएको छ ।

घटनामा अन्य ६ जना घाइते भएका छन् भने २ जना हराइरहेका छन् ।


दुर्घटनामा ७ जनाको मृत्यु भएको र ६ जना घाइते भएको जिल्ला प्रहरी कार्यालयका प्रहरी उपरीक्षक अनुरागकुमार द्विवेदीले जानकारी दिनुभयो । 


मृतकहरुको सनाखत हुन बाँकी रहेको छ ।