ठूलो दुर्घटना टर्यो ! यात्रुबाहक बस र ट्रिपर ठोक्किदाँ २६ जना घाईते, सात गम्भीर

Posted on: October 29, 2017 | views: 181

चितवन ।

यात्रुबहाक बस र ट्रिपर आज बिहान ९ः१५ बजे एक आपसमा ठक्कर खाँदा २६ जना घाईते भएका छन् ।

नारायणगढबाट गोर्खा जाँदै गरेको ना ५ ख ८६९४ नम्बरको यात्रुवाहक बस र विपरित दिशाबाट आउँदै गरेको बा ३ ख ९०१२ नम्बरको ट्रिपर भरतपुर महानगरपालिका वडा नम्बर १ रामनगर जंगलमा ठक्कर खाँदा २६ जना घाईते भएका हुन् ।

जिल्ला प्रहरी कार्यालय चितवनका प्रहरी नायब उपरीक्षक शिब शर्मा आचार्यका अनुसार घाईतेहरुको चितवन मेडिकल कलेज, भरतपुर अस्पताल र कलेज अफ मेडिकल साईन्सेज शिक्षण अस्पतालमा उपचार भईरहेको छ ।

उनीहरु मध्ये सात जना गम्भीर घाईते रहेका छन् । घाईते बसको चालक र यात्रुहरु हुन । ट्रिपर चालक फरार रहेको र उनको खोजीकार्य जारी रहेको शर्माले बताउनुभयो ।