त्रिशुलीमा यात्रुबस खस्दा ३० जनाको निधन, एकैपरिवारका ६ जना परे (फोटो फिचर)

Posted on: October 28, 2017 | views: 950

धादिङ। 

त्रिशुली नदिमा भएको बस्दा मृत्यु हुनेको संख्या ३० जना पुगेको छ । मृतक मध्ये ९ जना महिला र ११ जना पुरुष ६ जना बालक र ३ जना बालिका रहेको धादिङ प्रहरी उपरीक्षक धुव्रराज राउतले जानकारी दिए । मृतक मध्ये १२ जनाको सनाखत भएको छ ।

सप्तरीको राजविराजबाट काठमाडौं जाँदै गरेको ना ६ ख १४६७ नम्बरको बस शनिबार बिहान धादिङको गजुरी गाउँपालिका वडा नं ५ बांगेमोडस्थित त्रिशुली नदिमा खसेको थियो ।  

दुर्घटनामा मृत्यु हुने मध्ये १२ जनाको सनाखत खुलेको छ । सनाखत हुनेहरुमा सप्तरी जिल्ला तिलाठी ३ निबासी ३५ बर्षिय सिमी कुमारी झा, सिराहा न.पा ८ गोलबजारका ५० र्बिषय रामकुमार यादव, सप्तरी जिल्ला देउरीमरुवा न.पा १५ का सहचालक १८ बर्षिय नरेश मुखिया, सप्तरी जिल्ला बोधेवरसाई न.पा ३ का १५ बर्षिय चन्दरेखा प्रमाणी, सप्तरी जिल्ला राजविराज न.पा. १६ का ७४ बर्षिय चन्द्रवती झा रहेका छन् ।

त्यस्तै सप्तरी जिल्ला तिलाठी गाउँपालिका १ का ३३ बर्षिय मन्जित कुमार झा, सप्तरी जिल्ला नेरेयाका २५ बर्षिय पार्वती चौधरी, सप्तरी जिल्ला  बोधेवरसाई न.पा २ का ६ बर्षिय आदित्य यादव, सप्तरी जिल्ला तिलाठी ३ का ३८ बर्षिय सन्जित कुमार झा, सप्तरी जिल्ला नेरेयाका ३ बर्षिय सुशान चौधरी, सप्तरी जिल्ला नेरेया गाउँपालिका ३ का २४ बर्षिय रमानन्द यादव र भारतको मधुवनी जिल्ला विहार निवासी २९ बर्षिय ममतादेबी ठाकुर रहेको राउतले जानकारी दिए ।

दुर्घटना स्थलबाट १६ जना घाइतेलाई उद्धार गरिएको छ । घाइतेहरु मध्ये २ जनालाई उपचारका लागि काठमाडौँ पठाइएको छ भने १४ जनाको गजुरी अस्पतालमा उपचार भइरहेको छ । दुर्घटनास्थलमा उद्धार कार्य जारी छ । 




एकै परिवारका ६ को मृत्यु, २ बेपत्ता

मृत्युभएका मध्ये अधिकाशं सप्तरी जिल्लाका छन् । जहाँ अहिले शोकले ढुबेको छ । दिपावली र छठ मनाएर आपनो काममा फर्किरहेकाहरु दुर्घटनामा परेका छन् ।


आफन्तको मृत्यु भएको खवरसँगै ज्यान गुमाएकाहरुको टोलमा रुवावासी नै चलेको छ । 


सप्तरीको तिलाठी कोइलाडी गाउँपालिका १ तिलाठी बस्तीमा शनिबार बिहानैदेखि रुवावासी छ । तिलाठीका पंडित रमानाथ झाको सिंगो परिवार नै धादिङ दुर्घटनामा परि ज्यान गुमाएका छन् । २ छोरा, बुहारी, २ नातिसहित उनको परिवारका ६ जनाको उक्त घटनामा मृत्यु भएको छ ।


रमानाथ झाका छोराहरु संजितकुमार झा र अंजितकुमार झा, संजितकी श्रीमती सिमी झा र संजितका छोरा अभिनव झाको मृत्यु भएको तिलाठीका वडाध्यक्ष दिनेश्वर मिश्रले जानकारी दिए । संजितका कान्छा छोरा प्रतिक बेपता छन् ।


यस्तै संजितका सालो बिटु झा ठुली सासुआमा चन्द्रिकादेवी झाको समेत ज्यान गएको छ । संजितकी साली पुजा अझै वेपता छिन् । संजित नेपाल बैंक लिमिटेड चावहिल शाखामा सातौं तहमा कार्यरत थिए । 




हालसम्म सनाखत भएका १२ जना मृतकको नामावली


नरेश मुखिया – सप्तरी

शुसान चौधरी – सप्तरी

रमानन्द यादव – सप्तरी

संजित कुमार झा – सप्तरी

सिम्मी कुमारी झा – सप्तरी

आदित्य यादव – सप्तरी

ममता देवी ठाकुर – मधुवनी बिहार ईन्डिया

राज कपुर यादब – सिरहा

पार्वती चौधारी – सप्तरी

चन्द्ररेखा प्रमणी – सप्तरी

मन्जित कुमार झा – सप्तरी

चन्द्रावती झा – सप्तरी