चितवनमा निर्वाचन अधिकृतको कार्यालय स्थापना

Posted on: October 26, 2017 | views: 222

चितवन ।

आगामी मंसिर २१ गते हुने प्रतिनिधि सभा र प्रदेश सभाको निर्वाचनका लागि निर्वाचन अधिकृतको कार्यालय स्थापना गरिएको छ । ती कार्यालयहरुको चितवनका मुख्य निर्वाचन अधिकृत कुलप्रसाद शर्माले आज उद्घाटन गर्नु भएको हो ।


यस अघि स्थानिय तहको निर्बाचनमा मुख्य निर्वाचन अधिकृतको कार्यालय रहेको सहकारी प्रशिक्षण तथा डिभिजन कार्यालयको भवनमा नै ती तीन कार्यालय स्थापना गरिएको हो । चितवनमा तीनवटा क्षेत्र रहेको छ । 


कार्यालयको उद्घाटन गर्दै शर्माले निर्वाचन सफल बनाउन सबैको सहयोगको खाँचो रहने बताउनु भयो । शान्तिपूर्ण वातावरणमा भयरहित तवरले निर्वाचन सम्पन्न गर्न आफुहरु गम्भिर रहेको उहाँको भनाई छ । 


सो अवसरमा प्रमुख जिल्ला अधिकारी नारायण प्रसाद भट्ट, जिल्ला प्रहरी कार्यालय चितवनका प्रमुख दीपक थापा, क्षेत्र नम्बर १ का निर्वाचन अधिकृत परमेश्वर पराजुली, क्षेत्र नम्बर तीनका निर्वाचन अधिकृत शम्भूराज रेग्मी लगाएतको उपस्थिति रहेको थियो । जिल्लामा तीन निर्बाचन क्षेत्र रहेका छन् ।


मुख्य निर्वाचन अधिकृतको कार्यालय क्षेत्र नम्बर दुईमा परेकाले यस क्षेत्रको निर्वाचन अधिकृतको काम मुख्य निर्वाचन अधिकृतको कार्यालयबाट हुने छ । 


जिल्लाका ३ लाख ५४ हजार ३६ जना मतदाता छन् ।