भैरहवा कारगारद्धारा कैदीको खान्की चामल समेत बिक्रि

Posted on: October 25, 2017 | views: 271

भैरहवा ।

कैदीबन्दीले लागि सहुलियत दरमा सरकारले उपलब्ध गराएको चामल भैरहवा कारगारले अवैध रुपमा विक्री गरेको पाइएको छ ।


बुधबार कारगारले भैरहवाको गल्लामण्डीस्थित नव शुभ गल्ला भण्डारमा १ सय ६१ बोरा मन्सुली चामल विक्री गर्दै गरेको अवस्थामा प्रहरीले बरामद गरेको छ ।


भैरहवा कारागारका प्रमुख टेकप्रसाद देवकोटा नेपाल खाद्य संस्थानको चामल विक्री गर्न ल्याएको र आफुले खरिद गरेको सञ्चालक हिरालाल गुप्ताले बताए ।


नेपाल खाद्य संस्थानबाट कैदीबन्दीको लागि सहुलियत दर आएको चामल कारगारका स्टोर किपर राकेश गुरुङले लु १ त ६४१५ नम्बर ट्याक्टरमा लोड गरेर बेच्न ल्याएका छन् ।


बरामद भएको १ सय ६१ बोरा चामल ४८ क्विन्टल ३० किलो रहेको प्रहरीले जनाएको छ ।


भैरहवा कारागरले कैदीबन्दीको लागि बुधार मात्र ४ लाख ४१ हजार एक सय ८० रुपैयाँको ९१ क्वीन्टल २० किलो चामल नेपाल खाद्य संस्थानबाट मगाएको थियो । जसमध्ये ४८ क्वीन्टल ३० किलो चामल विक्री गर्दा गर्दै बरामद भएको छ ।


कारागार प्रमुख देवकोटा र स्टोर किपर गुरुङको मिलामतोमा चामल विक्री गरिएको प्रहरीले बताएको छ ।