पशुपतिका नागा बाबालाई झै लाखौं तलब भत्ता खाने सांसदलाई बाटो खर्च दिएर बिदा गरिंदै

Posted on: October 13, 2017 | views: 225

काठमाडौं ।

हामी सबैलाई थाहा छ पवित्र पाशुपत क्षेत्रमा बर्षेनी महा शिवरात्रीमा आउने साधु बाबाहरुलाई बाटो खर्च दिएर बिदा गर्ने गरिन्छ ।

तर तपाईलाई थाहा छ हरेक महिनाको एकलाख बढी तलब अनि हरेक बैठकको भत्ता खाने सांसदहरुले समेत सांसद पद खुस्कने भएपछि अन्तिम दिन समेत बाटो खर्चका नाममा राज्यढुकुटीमा लुट मच्चाउने गरेका छन् ।


व्यवस्थापिका संसदका ५९२ सांसदहरु शनिबार मध्यराति १२ बजेपछि भूतपूर्व हुँदैछन् ।


४ वर्षअघि २०७० मंसिर ४ गते निर्वाचित भएका र समानुपातीकबाट आएका सबै सांसदहरु असोज २८ गते मध्यराति १२ बजेबाट निवर्तमान हुदैछन ।


निवर्तमान हुन लागेका सबै सांसदहरुले अशोज महिनाभरको तलब भत्ता र सुबिधा पाउने छन् ।


तर दुखको कुरा यसअघिको प्रचलनको नाममा सांसदहरुले भूतपूर्व भएर फर्किन लागेको नाममा यातायात खर्च समेत असुल्ने भएका छन् ।


बिजनेसका हिसाबले संसदको शुक्रबारको बैठक अन्तिम भएपनि शनिबार विशेष बैठक राखिएको छ, जहाँ सांसदहरुलाई विधिवत बिदाई गरिंदैछ ।


सभामुख ओनसरी घर्तीले प्रमुख दलका शीर्ष नेताहरुसँग छलफल गरेपछि शनिबार अपरान्ह संसदको विशेष विदाई बैठक राखिएको सभामुखका प्रेस सल्लाहकार बबिन शमाले बताए । बैठकमा सभामुख र शीर्ष नेताले सम्बोधन गर्नेछन् ।


निर्वाचन आयोगले असोज २९ गते समानुपातिकको बन्दसूची पेश गर्ने मिति तोकेकाले २८ गते मध्यरातिदेखि रुपान्तरिक व्यवस्थपिका संसद विघटन हुने संसद सचिवालयका प्रवक्ता डा।भरतराज गौतमले जानकारी दिए ।


यसअघि कात्तिक ४ गते संसद विघटन हुने भनिएको थियो । तर, संविधानले उम्मेदवारी मनोनयनसँगै संसद भंग हुने भनेकोले समानुपातिक उम्मेदवारी मनोनयनलाई नै आधार बनाइएको सभामुख निकट स्रोतले जनाएको छ ।


संसद बिघटनअघि यो संसदको अन्तिम विजनेश बैठक शुक्रबार बस्दैछ । बैठकमा राष्ट्रियसभा सदस्य निर्वाचन सम्बन्धी विधेयक र भाषा आयोगसम्बन्धी विधेयकलाई कार्यसूचीमा राखिएको छ । त्यस्तै प्रदेश प्रमुखको पारिश्रमिक सम्वधासम्बन्धी बिधेयक पनि बैठकले पारित गर्ने कार्यसूची छ ।


चिकित्सा शिक्षा र राष्ट्रियसभा सदस्य निर्वाचनसम्बन्धी विधेयकमा सहमति जुटाउने प्रयास भइरहेको छ । यदि यो संसदले पारित गर्न नसके सरकारले अध्यायदेशबाट ल्याउनुपर्नेछ ।


संसद विघटनसँगै अहिले व्यवस्थापिका संसदमा रहेका सबै विधेयकहरु सून्यमा जानेछन् । अर्को संसद निर्वाचित भएर आएपछि नयाँ सरकारले पुनः बिधेयक ल्याउनुपर्नेछ ।