डा. केसीद्धारा सभामुखलाई सक्रिय भूमिका खेल्न अनुरोध

Posted on: October 12, 2017 | views: 144

काठमाडौं ।

हप्तादिनदेखी आमरण अनशनरत सामाजिक अभियन्ता प्रा.डा. गोविन्द केसीले संसद् प्रमुखको हैसियतले सभामुखलाई चिकित्सा शिक्षा विधेयक पारित गराउन सक्रिय भूमिका खेल्न अनुरोध गरेका छन् ।


प्रा डा केसीले पत्रकार सम्मेलन गरेर सभामुखलाई संसद्को बाँकी रहेको अवधिमा विधेयकलाई सहीरूपमा पारित गराउन आग्रह गर्दै “केही राजनीतिक दल र सांसदहरू नागरिकको गुणस्तरीय स्वास्थ्य सेवा पाउने तथा आम विद्यार्थीको सस्तोमा चिकित्सा शिक्षा पाउने अधिकार कुण्ठित गर्न सक्रिय भएका छन्, त्यसैले ऐन असफल पार्न लागेका छन् ।” भन्दै सभामुखको सक्रियताको लागि आग्रह गरे ।


डा केसी आठ दिनदेखि स्वास्थ्य तथा चिकित्सा शिक्षा सुधारका लागि चिकित्सा शिक्षा ऐन आउनुपर्ने माग राखी १३ औँ आमरण अनशनमा छन् ।

चिकित्सा विधेयक संसद्मा विचाराधीन छ । नेकपा एमालेका कारण चिकित्सा विधेयक संसदमा टेबल हुन पाएको छैन भने एमालेले विधेयक पारित हुन नदिने बताउँदै आएको छ ।