अब केन्द्रमा १५ र प्रदेशमा ७ मन्त्रालय मात्रै, यि ठाउँमा हुने छ प्रदेशको राजधानी

Posted on: October 09, 2017 | views: 647

काठमाडौं ।

संघीय संरचनाअनुसार मुलुकमा १५ वटा मन्त्रालय राख्न प्रस्ताव गरिएको छ । 


हाल विद्यामान ३१ वटा मन्त्रालयलाई घटाएर १५ वटा मात्र मन्त्रालय राख्न प्रस्ताव गरिएको हो । 


सामान्य प्रशासन मन्त्री टेकबहादुर बस्नेतको अध्यक्षतामा रहेको अधिकार सम्पन्न संघीय प्रशासनिक पुनःसंरचना समितिले केन्द्रमा १५ र प्रदेशमा ७ मन्त्रालय रहने गरी खाका तयार पारेको हो ।


सामान्य प्रशासन मन्त्रालयका प्रवक्ता शिवहरि न्यौपानेले समितिले अस्थायी प्रदेशको राजधानी पनि तोकेको बताउनुभएको छ ।


समितिको प्रतिवेदनअनुसार प्रदेश नं १ को विराटनगर, धनकुटा वा इटहरी, प्रदेश नं २ को जनकपुर, प्रदेश नं ३ को बनेपा, धुलिखेल, काठमाडौँ वा हेटौँडा, प्रदेश नं ४ को पोखरा, प्रदेश ना. ५ को दाङ वा बुटवल, प्रदेश नं ६ को सुर्खेत र प्रदेश नं ७ को दिपालय वा धनगढीलाई अस्थायी राजधानी प्रस्ताव गरिएको छ । 


तोकिएका प्रदेश राजधानी अस्थायी हुने र प्रदेश सभापछि स्थायी बनाइने छ ।