सिमा बचाउन लडेका 'सच्चा राष्ट्रबादी' देव नारायण र अजय कुमारलाई भारतीय हतकडी

Posted on: October 01, 2017 | views: 1027

सप्तरी ।

कथित भारतीय सिमा सुरक्षा बलका जवानहरुले नेपाली सिमा अतिक्रमण गर्दा त्यसको प्रतिकार गरि देशको सिमा जोगाएका देव नारायण यादव र उनका छोरा अचय कुमारलाई भारतीय प्रहरीले पक्राउ गरेको छ ।


सप्तरीको कोइलाडी तिलाठि गाउँ पालिकाका स्थानिय देव नरायण यादव र उनका छोरा अजय कुमार यादवलाई भारतीय प्रहरीले पक्राउ गरेर कारागार पठाएको छ ।


स्थानियका अनुसार दशगजा क्षेत्रमा रहेको आर्दश ग्राम पंचायतमा सांकृतिक कार्यक्रम हेर्न गएका उनका छोरा अजयलाई रक्सी खाएर होहल्ला गरेको झुठा अभियोगमा भारतीय प्रहरीले पक्राउ गरेपछि छुटाउन गएका बाबु देव नरायण लाई समेत पक्राउ गरि भारत विहार अन्तरगत रहेका सुपौलको विरपुर जेल चलान गरेको जनाईएको छ ।


रक्सी खाएर होहल्ला गरेको आरोप लगाएपनि सिमा मिच्ने भारतीय एसएसबीलाई रोकेकोमा उनलाई यसअघि समेत पक्राउको प्रयास गर्दै आएको भारतीय प्रहरीले यसपटक झुठा आरोपमा छोरा सहित उनलाई पक्राउ गरेको छ ।


यादवले गत बर्ष भारतीय सुरक्षाकर्मीहरुले दशगज्जा क्षेत्रमा एकतर्फी रुपले बाध बाधिरहेको बखत भारतिय संग भिडत गरी बाध बाधन दिएको थिएनन ।


त्यती बेला नेपाल सरकारले उनको उपचार खर्च संगै सच्चा राष्ट्रियबादीको रुपमा सम्मान पत्र समेत दिएको थियो ।


पक्राउ लगत्तै छोरा छुटाउन गएका देव नारायणलाई बिना कुनै आधार पक्राउ गरि जेल चलान गरिनुले भारतीय प्रहरीले नेपाली सिमा रक्षामा लड्दै आएका नेपालीलाई हतोत्साही पार्ने उदेश्यले गरेको यहाँका स्थानियले आरोप लगाएका छन् ।

स्थानियहरुले भारतीय प्रहरीले योजनाबद्ध रुपमा पक्राउ गरेको भन्दै तत्काल छुटाउन सरकारले पहल गर्नुपर्ने भन्दै आन्दोलन थाल्ने चेतावनी दिएका छन् ।