हामी बर्बाद भयौं सर, कहाँ जाने के गर्ने भन्दै सिंहदरबारभित्रै रुवाबासी’ 

Posted on: May 02, 2016 | views: 294

काठमाडौं,चैत १७ । सिंहदरबारको एउटा कुनामा दुई कलिला युवती हिक्क–हिक्क रुन्छन् । ‘हामी बर्बाद भयौं सर, कहाँ जाने के गर्ने ?’ सरकारी स्वामित्वको नेपाल टेलिभिजनभित्र त्यसरी दिनहुँजसो रुवाबासी गर्ने युवती हुन्  हेटौडाका सिर्जना नेपाल र मानवी केसी । यी चेलीलाई दिनरात रोएर हिड्नुपर्ने अवस्थामा पुर्याएका हुन् मिनेन्द्र रिजालसँग सबै बानी ब्यहोरा मिल्ने संचालक समिति अध्यक्ष महेश दाहालले ।

दुवै फुच्ची हेटौडामा काम गर्थे । एफएमको आरजेका रुपमा । टेलिभिजन अध्यक्ष नियुक्त भएपछि महेशले उनीहरुमाथि आँखामात्र लगाएनन, साथै काठमाडौं लिएर आए । शुरुमा इन्टर्नसीपका लागि ल्याएको भने । तर, पत्रकारिताका विद्यार्थीले स्नातक तेस्रो वर्षको परीक्षा दिनु अघि गर्नुपर्ने कार्यमूलक पत्रकारिताका लागि ती फुच्ची योग्य थिएनन् । एफएममा काम गर्दै त्यसबाट आएको तलबले कलेजको शुल्क तिर्ने गरिबका छोरीले जम्माजम्मा प्लस टुमात्र पास गरेका रहेछन् ।

भोकालाई भोजन कति प्यारो हुन्छ ? त्यस्तै गरे महेशले  । नेपाल टेलिभिजनको समाचारवाचिका बनाइदिन्छु भन्दै काठमाडौं ल्याए  । अध्यक्षले ल्याएका मान्छेलाई नराख्ने कुरा भएन । समाचार शाखामा तीन महिना करारमा काम पनि गरे । तर, एक अवधिको करार सकिएपछि टेलिभिजनले म्याद थपेन । किनभने योग्यता पुगेन । महेशले टेलिभिजनका हाकिमहरुकै अगाडि पहिल्यै भनेका रहेछन्, ‘तीन महिनाको एक्पेरियन्स लिनु, त्यसपछि तिमीहरुको जिम्मा म भएँ ।’

त्यसो भन्ने महेश काम नभएका दिन गाडीमा दिनैपिच्छे नयाँ नयाँ युवतीका साथ पुग्छन् । ती युवतीलाई स्टुडियो देखाउँछन् र आफ्नो कार्यालयमा एसी खोलेर खाजा अर्डर गर्छन् ।

जनआस्था साप्ताहिकबाट ।