१३३ स्थानीय तहको मतपरिणाम सार्वजनिक, यस्तो छ मत परिणाम र ताजा गणना

Posted on: September 26, 2017 | views: 300

काठमाडौं ।

असोज २ गते निर्वाचन सम्पन्न भएका प्रदेश नम्बर २ का १३६ स्थानीय तहमध्ये १३३ स्थानीय तहको मतगणनाको अन्तिम परिणाम सार्वजनिक भएको छ । 


निर्वाचन आयोगबाट प्राप्त पछिल्लो विवरण अनुसार वीरगञ्ज महानगरपालिका, कलैया उपमहानगरपालिका र राजविराज नगरपालिकाको मतगणना कार्य जारी छ । 


वीरगञ्ज महानगरनगरपालिकाको ३ वडाका मतमेटिकाहरु खोली मतगणना सुरु भइसकेको छ भने राजविराज नगरपालिकाको ५ वटा वडाको मतगणना गर्न बाँकी रहेको छ । 


३ स्थानिय तहमा मतगणना जारी

काठमाडौं ।

प्रदेश नम्बर दुइका ८ जिल्लाका १३६ स्थानीय तहमा असोज २ गते भएको निर्वाचनको अब तीन स्थानको नतिजा आउन बाँकी रहेको छ ।


पर्साको वीरगञ्ज महानगरपालिका, बाराको कलैया उपमहानगरपालिका र सप्तरीको राजविराज नगरपालिकाको मतपरिणाम आउन बाँकी छ ।


वीरगञ्जको नगर प्रमुखमा संघीय समाजवादी फोरम नेपाल अग्रस्थानमा छ । प्राप्त पछिल्लो जानकारी अनुसार ७३ हजार ७२ मत गणना भई सक्दा फोरमले काँग्रेस भन्दा मेयरमा १३ सय १ मतले अग्रता लिएको छ ।


मत गणनामा दलहरुबीच विवाद भएपछि अहिले मतगणना स्थल ठाकुर राम बहुमुखी क्याम्पसको सुरक्षा व्यवस्था कडा बनाईएको छ ।


बाराको कलैयामा मतगणना बाँकी रहेको एउटा वडामा विवाद भएपछि गएराति देखि नै मतगणना अवरुद्ध छ । त्यहाँ नेकपा एमालेका उम्मेदवार ९० मतले अग्रस्थानमा रहेका छन् ।  


राजविराजमा राजपा नेपालका उम्मेदवार अग्रस्थानमा रहेका छन् ।


बाराको बारागढी गाउँपालिकाको अध्यक्षमा नेपाली काँग्रेसका देवदत्त बछाड र उपाध्यक्षमा संघीय समाजवादी फोरम नेपालकी लक्ष्मी राय विजयी हुनुभएको छ ।