काभ्रेमा दशैं किनमेलबाट फर्केका चढेको गाडी दुर्घटनामा ६ जनाको निधन, १० जना गम्भिर

Posted on: September 26, 2017 | views: 526

बनेपा ।

दशैंको किनमेल गरेर फर्केका एउटै गाउँका व्यक्तिहरु चढेको बोलेरो गाडि दुर्घटना हुँदा हुँदा काभ्रेको निगालेमा ६ जनाको घटनास्थलमै निधन भएको छ ।


काभ्रेको रोशि गाउपालिकाको निगालेमा बा १४ च ९५५६ नम्वरको बोलेरे गाडि दुर्घटनामा परेको हो ।


दशैं मान्न बनेपाबाट सामान किनेर फर्केकाहरु चढेको बोलेरो रोशी गाउँपालिका शिखराम्बोटे ३ मा दुर्घटना भएको हो ।


प्रहरी ईन्सपेक्टर रविराज थपलियाले दिएको जानकारी अनुसार गम्भिर घाईते १० जनालाई उपचारको लागि हेलिकोप्टरबाट काठमाडौं पठाइएको छ ।


बोलेरे निगाले बनेपाबाट डाँडापारी गोकुले तर्फ जाँदै गरेको थियो । दुर्घटनामा परि निधन तथ घाईतेहरुको परिचय खुल्न बाँकी रहेको छ ।


दशैंको किनमेल गर्न गएका एउटै गाउँका व्यक्तिहरु दुर्घटनामा परि निधन भएपछि गोकुले गाउँ अहिले शोकमग्न बन्न पुगेको छ ।