निर्वाचन आचारसंहिता उल्लंघन गर्ने राजपा उम्मेदवारसँग स्पष्टीकरण माग, निर्वाचन सुरक्षा व्यवस्था कडा

Posted on: September 15, 2017 | views: 235

बारा ।

निर्वाचन आयोगले आगामी असोज २ गते तेस्रो चरणमा प्रदेश नं. २ मा हुने स्थानीय तह निर्वाचनको प्रचार प्रसारको क्रममा निर्वाचन आचारसंहिता उल्लङ्घन गरेको भन्दै राष्ट्रिय जनता पार्टी नेपालका तर्फबाट बारा जिल्लाको कलैया उपमहानगरपालिकाको वडा नं। ८ का अध्यक्षका उम्मेदवार मनोजकुमार चौरसियासँग स्पष्टीकरण माग गरेको छ ।


अध्यक्षका उम्मेदवार चौरसियासहित राष्ट्रिय जनता पार्टी नेपालका कार्यकर्ताहरु कलैयामा निर्वाचन आचारसंहिताले तोकेभन्दा ठूलो साइजको माइकिङ र ब्यानर प्रयोग गरी निर्वाचन आचारसंहिता विपरीतका क्रियाकलापमा संलग्न भएकाले चौरसियासँग स्पष्टीकरण माग गरिएको आयोगद्धारा जारी गरेको प्रेस–विज्ञप्तिमा जनाइएको छ ।


..........

स्थानीय तहको तेस्रो चरणको निर्वाचन नजिकिदै गर्दा प्रदेश नम्बर २ मा सुरक्षा व्यवस्था कडा पारिएको छ ।


स्थानीय प्रशासनले प्रदेश नम्बर २ का जिल्लाहरुमा अति संवेदनशील, संवेदनशील र सामान्यमा वर्गीकरण गरी त्यस अनुरुप सुरक्षा व्यबस्था मिलाएको छ ।


स्वच्छ, निष्पक्ष र भयरहित वातावरणमा निर्वाचन सम्पन्न गर्न प्रभावकारी सुरक्षा व्यवस्था मिलाइएको भन्दै मतदाता र उम्मेद्धवार लगायत सम्पूर्णलाई निर्धक्क भएर निर्वाचनमा भाग लिन सरकारले आग्रह समेत गरेको छ ।