यस्ता नौ कर्तुत गरेकाले चुनाव लड्न नपाउने

Posted on: September 04, 2017 | views: 354

काठमाडौं ।

नेपाली काँग्रेसले भ्रष्टाचारीले पनि चुनाव लड्न पाउनुपर्ने माग फिर्ता लिएपछि प्रतिनिधिसभामा उम्मेदवार हुनका लागि नौ वटा मुद्दा नलागेका व्यक्ति मात्र योग्य हुने प्रावधान सहितको बिधेयक दर्ता भएको छ ।


त्यस्तो प्रावधान राखिएको प्रतिनिधिसभा बिधेयक संसदमा पेश भएको हो । सो बिधेयक पारित भएपछि नौ वटा मध्ये कुनै पनि एउटा मुद्दा लागेका व्यक्तिले प्रतिनिधिसभामा उम्मेदवार बन्न पाउनेछैनन् ।


प्रतिनिधिसभा विधेयकको दफा १३ को 'ङ' मा भ्रष्टाचार, जबरजस्ती करणी, मानव बेचबिखन तथा ओसारपसार, लागुऔषध बिक्री९वितरण तथा निकासी वा पैठारी, सम्पत्ति शुद्धीकरण, राहदानी दुरुपयोग, अपहरणसम्बन्धी कसुर वा नैतिक पतन देखिने अन्य फौजदारी कसुरमा सजाय पाई वा कुनै पनि कसुरमा जन्मकैद वा २० वर्ष वा सोभन्दा बढी कैद सजाय पाई त्यस्तो फैसला अन्तिम भएको’, व्यक्ति उम्मेदवार बन्न नपाउने प्रावधान राखिएको छ ।


व्यवस्थापिका संसदमा प्रतिनिधिसभा र प्रदेशसभा सम्बन्धी बिधेयक पेश भएको छ । संसदको राज्य व्यवस्था समितिका सभापति दिलबहादुर घर्तीले सोमबार बसेको संसदको दोस्रो बैठकमा ती बिधेयक पेश गरेका हुन ।