प्रधानमन्त्री भन्छन्-'कर्णाली विकासमा विशेष ध्यान दिन्छु' तर हुम्लामा चामल छैन

Posted on: September 02, 2017 | views: 281

हुम्ला ।

हुम्ला जिल्लामा लगातारको वर्षापछि सदरमुकाम सिमिकोटमासमेत चामलको अभाव भएको छ । 


५ महिनादेखि सर्वसाधारणले खाद्यान्न नपाएको र संस्थानको गोदाम खाली रहेको नेपाल खाद्य संस्थानका प्रमुख नारायण केसीले बताउनुभयो । 


कर्णालीको विकासका लागि विशेष ध्यानः प्रधानमन्त्री 

काठमाडौं ।

प्रधानमन्त्री शेरबहादुर देउवाले कर्णाली क्षेत्रको विकासमा सरकारले विशेष ध्यान दिने बताउनुभएको छ । 


कर्णालीको मुगुबाट आएको प्रतिनिधि मण्डलसँगको भेटमा प्रधानमन्त्री देउवाले मुगुमा तिब्बत जोड्ने सडक, परलोक विमानस्थल, सञ्चार प्रविधिको विस्तार सरकारको प्राथमिकतममा रहेको बताउनुभयो । 


प्रतिनिधि मण्डलमा सहभागी मुगुको कार्मारोङ गाउँपालिकाका अध्यक्ष छिरिङ न्याप्ने लामाले स्थानीय विकासमा सरकारले विशेष ध्यान दिनुपर्नेमा प्रधानमन्त्रीको ध्यानाकर्षण गराउनुभयो ।