राहत वितरणमा एकद्वार प्रणाली आगू नगर्न सर्वोच्चको आदेश

Posted on: August 18, 2017 | views: 276

काठमाडौं ।

सर्वोच्च अदालतले बाढीपीडितका लागि सरकारले राहत वितरणमा एकद्वार प्रणाली लागू गर्न गरेको निर्णय तत्कालका लागि लागू नगर्न सरकारका नाममा अन्तरिम आदेश जारी गरेको छ । 


न्यायाधीश ओम प्रकाश मिश्रको एकल इजलासले आज सरकारकोे निर्णय हाल कार्यान्वयन नगर्न अन्तरिम आदेश दिएको हो ।

आदेशमा बाढीपीडितलाई तत्काल राहत र उपचारको व्यवस्था मिलाउन भनिएको छ । 


अधिवक्ता सुनिलरञ्जन सिंहले प्रधानमन्त्री तथा मन्त्रिपरिषद्को कार्यालय, गृह मन्त्रालय, केन्द्रीय दैवी प्रकोप उद्धार समिति लगायतलाई विपक्षी बनाई साउन ३१ गते अविरल वर्षाका कारण बाढीपहिरो र डुबानमा अपूरणीय क्षति भएकाले तत्काललाई बाढीपहिरो क्षेत्रलाई संकटग्रस्त क्षेत्र घोषणा गर्न माग गर्दै रिट निवेदन दायर गर्नुभएको थियो ।