एसएलसी परीक्षामा देशभर लोडसेडिङ नहुने, सबैको सहयोगको अपिल

Posted on: March 06, 2017 | views: 851

काठमाडौं ।
नेपाल विद्युत प्राधिकरणले माध्यमिक शिक्षा परीक्षा 'एसएलसी' को समयमा देशरभर लोडसेडिङ नगर्ने भएको छ ।

चैत १ देखि १४ गतेसम्म विहान बेलुकाको पिक आवरमा लोडसेडिङ नगर्ने गरी तयारी गरिरहेको प्राधिकारले यसमा सहयोग गर्न समेत सबैलाई अनुरोध गरेको छ ।

यसका लागि प्राधिकरणले आन्तरिक तयारी गरिरहेको छ । अहिले काठमाडौं, पोखरा र चितवनमा लोडसेडिङ नभएपनि अन्य ठाउँमा आंशिक लोडसेडिङ छ ।

माध्यमिक शिक्षा परीक्षामा विद्यार्थीलाई सहज होस् भन्ने उद्देश्यले विहान र बेलुका लाइन नकाट्ने गरी तयारी अघि बढाइएको प्राधिकरणका प्रवक्ता प्रबल अधिकारीले बताए ।

‘प्राधिकरणले सो अवधिमा विद्युत खपत कम गरेर सहयोग गरिदिन आग्ह गरेको छ । सोमबार एक सूचना प्रकाशित गर्दै प्राधिकरणले होटलहरुलाई चैत १ देखि १४ गतेसम्म बेलुका ६ बजेदेख ९ बजेसम्म जेनेरटर चलाएर कम बिजुली खपत गरिदिन अपील गरेको छ ।

त्यसैगरी घरायसी उपभोक्तालाई पिक अवारमा धेरै बिजुली खपत हुने आइरन, रुम हिटर, इमर्सन हिटर, इन्डक्सन चुल्हो, पानी तान्ने पम्प, एयर कन्डिसनर, गिजर र वासिङ मेसिन नचलाइदिन आग्रह गरेको छ ।