यस बर्षको शैक्षिक सत्रमा बिद्यार्थीले समयमै पुस्तक पाउने मन्त्रीको दावी

Posted on: October 17, 2016 | views: 389

१ कार्तिक, चिवतन ।
शिक्षा मन्त्री धनिराम पौडेल यस बर्ष विद्यार्थीहरुले समयमा नै नयाँ पुस्तक पढ्न पाउने दावी गरेका छन् । गत बर्ष जस्तो यस बर्ष समस्या केहि छैन्–उनले भने मात्र किताब रगिंन बनाउने भन्दा अलि कति ढिलो भएको हो, पुस्तक समयमा नै पाउछन् ।
प्रेस सेन्टर नेपाल चितवन शाखाद्धारा भरतपुर विमानस्थलमा आयोजित पत्रकार भेटघाट कार्यक्रममा बोल्दै मन्त्री पौडेलले किताब छाप्ने निर्णय केहि दिन हुने भन्दै निजि क्षेत्र र जनक शिक्षाले किताब दु्रत गतिमा छाप्ने उनले बताए । साथै सरकारको गठन विगठन, पुस्तक रगिंन र कोर्ष परिर्वतन गरी तीन कारणले गर्दा किताब छाप्न ढिलो भएको स्पष्ट समेत पारे ।

त्रिभुवन विश्व विद्यालय र कृषि तथा वन विद्यालयको विवाद कसरी मिलाउदै हुनुहुन्छ भन्ने प्रश्नमा मन्त्री पौडेलले कार्यदलले दिएको रिपोर्टपछि यसै महिना भित्र टुङ्गो लाग्ने बताए । साथै उनले शिक्षा विज्ञहरुले कृषि विश्व विद्यालयलाई नै दिने रामपुर क्याम्पसको सबै स्वामित्व दिने भन्ने सुझाव आएको कारण कृषि विद्यालयले नै पाउने जानकारी दिए । कार्तिक महिना भित्र स्थानिय निकायको सिमाङ्गकन निर्धारण गर्ने आयोगले प्रतिवेदन नबुझाए चैत चुनाव नहुने समेत मन्त्री पौडेलले बताए । स्थानिय निकायकोृ निर्वाचनका लागि संविधानको सशोधन आवश्यक नभएपनि प्रदेश निर्वाचनका लागि सशोधन आवश्यक भएको उनले बताए ।

तर सरकार निर्वाचन चैतमा गराउन द्रुत गति लागि रहेको छ–उनले भने, निर्वाचन आयोगलाई निर्देशनदेखि ऐन नियम बनाउन काम पनि जारी छ । साथै सरकारी विद्यालयमा नै सरकारी शिक्षकका बालबालिकाहरु पढाउन सरकारले मात्र प्रोसाहन गरेको तर बाध्यता व्यवस्था समेत नगरेको खुलासा गरे । मावन अधिकार र व्यक्तिगत स्वतन्त्राताका कारण सरकारले बाध्यता व्यवस्था नगरेको भन्दै शिक्षकहरुले हामी पनि सक्षम छौ भनि काम गरे यो अभियान राम्रो हुने उनको तर्क थियो ।