बिपन्न वर्गका युवाहरुको क्षमता अभिबृद्धिका लागि पत्रकारीता तथा रेडियो उद्घोषण तालिम

Posted on: July 07, 2016 | views: 390

पुष्पा बोहरा, २३ असार, कञ्चनपुर । बिपन्न वर्गका युवाहरुको क्षमता अभिबृद्धिका लागि कञ्चनपुरको महेन्द्रनगरमा शुरु गरिएको पत्रकारीता तथा रेडियो उद्घोषण तालिम आज सम्पन्न भएको छ । राष्ट्रिय सुचना तथा सञ्चार केन्द्र नेपाल तथा भिमनगरपालिका कञ्चनपुरको आर्थिक सहयोगमा १५ दिने पत्रकारीता तथा रेडियो उद्घोषण तालिम यहि असार ९ गतेबाट सुरु भएको हो । तालिममा प्रशिक्षार्थिहरुलाई १५ दिन सम्म पत्रकारीता क्षेत्रका चुनौति यसको भबिष्य तथा रेडियो सम्बन्धि सैद्धान्तिक ज्ञानबारे प्रशिक्षण गराइएको थियो । ५० जनाको सहभागिता रहेको तालिममा प्रशिक्षकको भुमिका राष्ट्रिय सुचना तथा सञ्चार केन्द्र नेपालका अध्यक्ष ज्ञानेन्द्र महत्ताले निभाउनु भएको थियो । तालिममा सैद्धान्तिक तथा व्यवहारीक तरीकाबाट पनि प्रशिक्षण गराइएको थियो । बिपन्न वर्गका युवाहरुको क्षमता अभिबृद्धिका लागि भन्दै सञ्चालन गरिएको पत्रकारीता तथा रेडियो उद्घोषण तालिममा सहभागि भई रेडियो तथा पत्रकारीताको क्षेत्रबारे जान्ने अबसर पाएकोमा खुशी भएको प्रशिक्षर्थिहरुको भनाई छ । देशमा बेरोजगारको बिगबिगी भैरहेका बेला बिपन्न युवाहरुका लागि १५ दिने पत्रकारीता तथा रेडियो उद्घोषण तालिमले युवाहरुलाई सकारात्मक बाटोमा लाग्न प्रेरीत गरेको प्रशिक्षार्थि तिलक कार्कीको भनाई छ । यस्ता खाले तालिमहरुले युवाहरुलाई केहि गर्न सक्ने तथा समस्यासंग जुध्न सक्ने हौसला प्रदान गर्ने भएकाले आगामी दिनहरुमा पनि युवालक्षित तालिम दिइनु पर्नेमा अकौ सहभागि अशोक राज बिष्टको भनाई छ । तालिमले बिपन्न युवाहरुमा बोल्ने क्षमताको बिकास हुनुका साथै दीर्घकालीन रुपमा पनि फाइदा पुग्ने राष्ट्रिय सुचना तथा सञ्चार केन्द्र नेपालका अध्यक्ष ज्ञानेन्द्र महत्ताले बताउनुभयो । देशका प्रत्येक क्षेत्रमा दक्ष, लगनशील र क्रियाशील पत्रकारको खाचो रहेको भन्दै यस १५ दिने पत्रकारीता तालिमले युवाहरुलाई एक जिम्मेवार व्यक्ति बनाउन सहयोग मिल्ने बिश्वास व्यक्त गनुभयो । तालिममा सहभागि प्रशिक्षर्थिहरुको सुनौलो भबिश्यको कामनाका साथै प्रमाण पत्र बितरण गरीएको थियो ।