गाँउलेले प्रहरी भवन बनाउन थाले

Posted on: June 08, 2016 | views: 470

पप्पु गुरुङ्, २६ जेठ, दोधारा चाँदनी । स्थानिय वासिन्दा ईलाका प्रहरी कार्यालय दोधारा चाँदनीको २ कोठे भवन निमार्ण गर्न कस्सीएका छन् । गाँउमा शान्ति सुरक्षा कायम गर्ने जिम्मा लिएको महिला प्रहरी अभावमा भाडामा वस्नु परेपछि स्थानिय वासिन्दाले पैसा संकलन समेत गरेर भवन बनाइदिन थालेका हुन् । भवन निर्माणका लागि स्थानियहरु र  युनडिपी तथा गृह मन्त्रालयको साझेदारीमा संचालित सशस्त्र हिंसा न्युनिकरण तथा सामुदायिक सुरक्षा सबलिकरण परियोजनाले सहयोग गरेका छन् । स्थानिय वासिन्दाको आर्थिक सहयोग, स्थानिय र प्रहरी कर्मचारीहरुको श्रमदान गरी कुल १७ लाख ५५ हजार ६ सय ५ रुपियााको लागतमा निमार्ण हुन लागेको ईलाका प्रहरी कार्यालय दोधारा चाँदनीले जनाएको छ् । नागरिकको सहयोग विना प्रहरीले आफ्नो काम अघि बढाउन नसक्ने ईलाका प्रहरी कार्यालय दोधारा चाँदनीका प्रहरी निरिक्षक बिरेन्द्र बिर बिश्वकर्माले बताउनुभयो । स्थानियको ठुलो सहयोगमा प्रहरी भवन बन्न लागेको प्रहरी निरिक्षक बिश्वकर्माको भनाई छ् । आज स्थानियहरुले २ कोठे प्रहरी भवनको फर्स / प्लष्टर गरेको सशस्त्र हिंसा न्युनिकरण तथा सामुदायिक सुरक्षा सबलिकरण परियोजनाका सहजकर्ता अमिर तिरुवाले जानकारी दिएका छन् । उक्त भवन यहि असार मसान्त भित्र निमार्ण गरिसक्ने योजना रहेको प्रहरीले जनाएको छ् । नेकपा (एमाले) दोधारा चाँदनी नगरकमिटिका अध्यक्ष किशोर कुमार लिम्बुले प्रहरी र जनता एक आपसमा मिलेर निमार्ण गरिन लागेको महिला प्रहरी भवनले समाज रुपान्तर भई एक आपसमा सहयोग गर्ने भावनाले समाजमा प्रहरी हाम्रो साथी हो भन्ने भावना जागेको बताएका छन् ।