शिक्षा विधेयक पारित, कक्षा १२ सम्म माध्यमिक तह, एसएलसी परीक्षा प्रणालीको अन्त्य

Posted on: June 04, 2016 | views: 631

काठमाडौं,जेठ २२ । व्यवस्थापिका संसद बैठकले बहुप्रतिक्षित शिक्षा ऐन २०२८ लाई संसोधन गर्न बनेको विधेयक पारित गरेको छ ।  व्यवस्थापिका संसदको शनिबार बसेको बैठकले विधेयक पारित गरेसंगै प्रारम्भिक बाल शिक्षादेखि १२ कक्षासम्म विद्यालय तह भएको छ । एक साता अघि संसदमा निर्णयार्थ पेस भएको उक्त विधेयक सर्वसम्मत रुपले पारित भएको हो । सत्तापक्ष र विपक्षी सबै सांसदले उक्त विधेयकमा समर्थन जनाए पछि उत्त विधेयक पास भएको हो ।संसदमा शिक्षामन्त्री गिरिराजमणि पोखरेलले शिक्षा)(आठौं संशोधन विधेयक २०७३०) लाई पारित गरियोस भन्ने प्रस्ताव राखेका थिए । सभामुख ओनसरी घर्तीले निर्णयार्थ पेस गरेको उक्त प्रस्तावको विपक्षमा हुन्नु भन्ने स्वर नसुनिएपछि सर्वसम्मतले पारित भएको हो । अब राष्ट्रपतिबाट प्रमाणिकरण भएपछि उक्त कानुन कार्यान्वयनमा आउने छ ।

अब कक्षा ८ सम्म आधारभूत शिक्षा र कक्षा ९ देखि १२ लाई माध्यमिक शिक्षा हुने भएको छ । कक्षा १० को अन्तिममा हुदै आएको प्रवेशिका (एसएलसी) परीक्षाको पनि अन्त्य भएको छ । १२ कक्षाको अन्तिममा मात्रै अहिलेको एसएलसीजस्तो अर्को परीक्षा हुनेछ । अब राष्ट्रिय परीक्षा बोर्ड हुनेछ । बोर्डले कक्षा १० र माध्यमिक तहको अन्त्यमा हुने परीक्षा सञ्चालन गर्नेछ ।