एसएलसीमा ३९५ जनालाई कारबाही

Posted on: May 02, 2016 | views: 273

२६ चैत, काठमाडौं ।
यसवर्षको एसएलसी परीक्षामा अनियमितता गर्ने ३९५ जनालाई कारबाही गरिएको छ ।

परीक्षा सम्पन्न भएपछि यसबारे जानकारी दिदै परीक्षा अबधीभर अनियमिता गर्ने ३२८ जना परीक्षार्थीलाई परीक्षाबाट निष्कासन गरिएको, ३७ जना निरिक्षक र ३० जना सहायक कर्मचारी सहित अन्य व्यक्ति गरि ३९५ जनालाई कारबाही गरिएको परीक्षा नियन्त्रक कृष्णप्रसाद काप्रीले जानकारी दिनुभयो ।
प्राबिधिक तर्फको प्रयोगात्मक परीक्षा भने २९ गतेसम्म चल्ने उहाँले जानकारी दिनुभयो ।

देशभर १ हजार ४४३ परीक्षा केन्द्रबाट कूल ६ लाख १५ हजार ५५३ परीक्षार्थी परिक्षामा सहभागि भएका थिए ।

परीक्षा नियन्त्रक काप्रीले परीक्षा सकिएको तीन महिना भित्र नतिजा सार्वजनिक गर्ने नियम रहेपनि असारको दोश्रो सातासम्म परीक्षाफल सार्वजनिक गर्ने गरि तिब्र रुपमा काम गर्ने बताउनुभयो ।