एसइईको नतिजा बुधबार सार्वजनिक हुने

Posted on: June 25, 2019 | views: 492

काठमाडौ । माध्यमिक शिक्षा परीक्षा (एसइई) अन्तर्गत यस वर्ष संचालित परिक्षको नतिजा बुधबार अर्थात् भोलि प्रकाशन हुने भएको छ । परीक्षा नियन्त्रण कार्यालयका अनुसार हालसम्म उत्तरपुस्तिकाहरुको परीक्षण सकिएको र त्यसलाई रुजु गर्ने कार्य भइरहेको छ ।  

‘नतिजा प्रकाशनको तयारी अन्तिम चरण पुगेको छ । सम्भवतः बुधबार नै प्रकाशित हुनेछ । कथंकदाचित प्राविधिक पक्ष मिलाउन ढिलाइ भएमा बिहीबारसम्म नतिजा आउँछ’, कार्यालयका एक अधिकारीले भने । नतिजा प्रकाशनका लागि आवश्यक तयारी अन्तिम अवस्थामा पुगेको परीक्षा नियन्त्रक विष्णुप्रसाद अधिकारीले बताए। उनले भने, ‘एक दुई दिनभित्रै परीक्षाफल प्रकाशित गरिनेछ । प्रकाशनको अन्तिम तयारीमा हामी लागेका छौं।’

 गत वर्षको चैत १० गतेदेखि सञ्चालन गरिएको एसइई परीक्षामा देशभरबाट कुल ४ लाख ७५ हजार तीन परीक्षार्थी परीक्षामा सहभागी थिए। उक्त परीक्षाको नतिजा असारको सुरुवातमै गरिसक्नु पर्ने भएपनि यो वर्ष ढिलो भएको बताइएको छ ।