देवकीधरम विद्यालयका विद्यार्थीलाई स्टेशनरी र पोषाक वितरण, विशाल तामाङलाई एसइईसम्म लाग्ने खर्च उपलब्ध

Posted on: May 03, 2019 | views: 323

पञ्चकन्या । नारी जागरण समाज र बेलडाँडा परिवार (पञ्चकन्या)को सहयोगमा नुवाकोटको पञ्चकन्या गाँउपालिका वडा नं. ३ पञ्चकन्यामा रहेको देवकीधरम आधारभूत विद्यालयमा शैक्षिक सामाग्रि वितरण गरिएको छ ।


नुवाकोटमा सामाजिक सँस्थाको रुपमा अग्रणी स्थानमा रहेका उक्त दुई सँस्थाहरुको पहलमा विद्यालयमा अध्ययरनरत सम्पूर्ण विद्यार्थीलाई स्टेशनरी र पोशाक सामाग्रि वितरण गरिएको नारी जागरण समाजका अध्यक्ष रमा तामाङले जानकारी दिनुभयो ।



उहाँको अनुसार विठद्यालयमा शुक्रबार आयोजित कार्यक्रममा कार्यबहाक वडाध्यक्ष मानबहादुर तामाङले सँस्थाले उपलब्ध गराएका सामाग्रि प्रदान गर्दै विद्यार्थीहरुलाई लगनशील तथा इमान्दार भएर अध्ययनमा केन्द्रित हुन आग्रह गर्नुभयो ।


कार्यबहाक वडाध्यक्ष तामाङले विद्यालयमा कक्षा ७ मा अध्ययनरत बिशाल तामाङ टुहुरो भएको र उहाँको घरको आर्थिक अबस्था निकै कमजोर भएकाले माध्यामिक शिक्षा परीक्षासम्म अध्ययनको लागी आवश्यक पर्ने सम्पूर्ण खर्च उपलब्ध गराउने घोषणा समेत गर्नुभयो ।