दाङसिंङ माविका प्रअमाथी आक्रमण, दोषीलाई कारबाही नगरे स्थिती बिग्रनसक्ने शिक्षक संघको चेतावनी

Posted on: April 20, 2019 | views: 296


















विदुर । तार्केश्वर गाँउपालिकामा रहेको दाङसिंङ माध्यामिक विद्यालयका प्रधानध्यापक अजयकुमार शाहलाई स्थानीय टेकबहादुर तामाङले निर्घात कुटपिट गरेका छन् ।

यही बिहीबार विद्यायलमा कार्यरत रहेको समयमा तामाङले कार्यक्षेत्रमा पुगेर कुटपिट गरेको नेपाल शिक्षक संघले विज्ञप्ती मार्फत जनाएको छ ।
घटनाको बिरोधमा संघले शुक्रबार बिज्ञप्ती जारी गर्दै शान्ति क्षेत्र विद्यालयमा पेशागत जिम्मेवारी पूरा गर्न प्रतिबद्ध रहेका प्रअ माथी गुण्डागर्दी शैलीमा भएको आक्रमणको निन्दा गरिएको छ । संघका अध्यक्ष रामबहादुर थापाले जारी गर्नुभएको बिज्ञप्तीमा बिना कारण इमान्दार, निशस्त्र व्यक्ति माथी दुव्यबहार, कुटपिटमा उत्रिनु जघन्य अपराध मात्र नभई शक्तिको आडमा सिङ्गो शैक्षिक सँस्था र समाजलाई नै आतंकित पार्ने अमानवीय र अक्षम्य व्यवहार भएको भन्दै खेद व्यक्त गरिएको छ ।

विज्ञप्ती मार्फत संघले घटनामा संलग्न रहेका दोषीलाई जतिसक्दो चाडो कानूनी दायरामा ल्याएर कडा भन्दा कडा कारबाही गर्न र घाइते अबस्थामा रहेका प्रअलाई उचित उपचार सहित न्याय दिलाउनको लागी माग गरिएको छ । मागको सम्बोधन नभए परिस्थिती नियन्त्रण भन्दा बाहिर समेत जानसक्ने गरी सम्पूर्ण शिक्षकहरु चरणबद्ध विरोधमा उत्रन बाध्य हुने चेतावनी दिइएको छ ।