चण्डेश्वरी माविका विद्यार्थी शर्मिला तामाङको परीक्षा प्रज्वल अधिकारीले दिए

Posted on: March 24, 2019 | views: 278

विदुर । विदुर नगरपालिका वडा नं. ७ स्थित तुप्चेको अक्करेमा रहेको चण्डेश्वरी माविमा अध्ययनरत छात्रा शर्मिला ग्लान (तामाङ) ले चैत १० गते आइतबारदेखि सुरुभएको माध्यमिक शिक्षा परीक्षा (एसइई) अरुकै सहायताबाट दिनुभएको छ ।  
उहाँले अर्काको सहायताबाट आज सञ्चालित भएको अनिवार्य अङ्ग्रेजी सहित बाँकी सबै विषयको परीक्षा पनि अर्कै मार्फत लेखाउन अनुमति लिनुभएको छ । नुवाकोटमा न्यून दृष्टियुक्त व्यक्तिका लागि पढ्न ब्रेललिपि माध्यमको व्यवस्था नभएपछि उहाँले सोही विद्यालयमा अध्ययनरत आफूभन्दा जुनियर विद्यार्थी प्रज्वल अधिकारी मार्फत परीक्षा दिनुभएको हो । उहाँको सिम्बोल नं. ०२५०८७० ‘भी’ रहेको छ ।


पढ्नमा जेहेन्दार तथा अनुशासित विद्यार्थी गुरुङले विदुर नगरपालिका १० स्थित ओममाने पब्लिक विद्यालय परीक्षा केन्द्रबाट परीक्षा दिनुभएको हो । उहाँले देख्न नसक्ने भएपछि सहयोगी मार्फत परीक्षा दिने व्यवस्था मिलाइएको प्रमुख जिल्ला अधिकारी उद्धवबहादुर थापाले जानकारी दिनुभयो ।



योभन्दा अगाडिका परीक्षामा कुनैमा आफैँले जसोतसो तथा कुनैमा सहयोगी मार्फत लेखेर परीक्षा दिनुभएका गुरुङले अहिलेको एसइईमा अक्षर राम्रो बनाउन  तथा छिटोछरितो लेख्न सहयोगीको साथ लएको बताउनुभयो ।
सहयोगी प्रजवलले प्रश्नपत्र पढिदिने र त्यो प्रश्न सुनिसकेछि शर्मिलाले उत्तर भनिदिएपछि प्रज्वलले लेखिदिने गर्नुभएको छ ।


जारी रहेको एसइईमा विशिष्ट श्रेणीमा उर्तिण हुने चाहना राख्नुभएको शर्मिलाले उच्च शिक्षा अध्यययन गरेर अपाङ्गता भएका व्यक्ति तथा समुदायमा कमजोर रहेका वर्गको लागी सेवा पुर्याउने लक्ष्य लिएको बताउनुहुन्छ ।