कामरुदेवी माविको ५५ औं बार्षिकत्सवको तयारी अन्तिम चरणमा, प्रदेससभा सदस्य पाण्डे प्रमुख अतिथी

Posted on: February 14, 2019 | views: 118

दुईपिपल । नुवाकोट जिल्लाको बेलकोटगढी नगरपालिका वडा नम्बर ५ दुईपिपलको डबलीमा रहेको कामरुदेवी माध्यामिक विद्यालयको ५५ औं बार्षिकत्सव समारोह यही फागुन ६ गते मनाइने भएको छ । त्यसको लागी आवश्यक तयारी अन्तिम चरणमा पुगेको विद्यालयका प्रधानध्यापक विष्णुलाल श्रेष्ठले जजानकारी दिनुभयो । उहाँको अनुसार भव्य र सभ्य रुपमा मनाउन लागिएको बार्षिक उत्सव समारोहमा प्रदेससभा सदस्य केशवराज पाण्डे प्रमुख अतिथी हुने र विद्यालयमा अध्ययनरत विद्यार्थीहरुको बेजोड सँस्कृतिक प्रस्तुती रहने भएको छ ।


६ गते बिहान १० बजेदेखि सुरु भएर दिनभर चल्ने कार्यक्रमको लागी विद्यालयले सम्पूर्ण अभिभावक, समाजसेवी, स्थानीय जनप्रतिनिधिहरु, बुद्धिजिवी, शिक्षाप्रेमी, पूर्व विद्यार्थी लगायत सरोकारवाला सबैलाई निमन्त्रण पठाइसकेको र कही कतै पुग्न बाँकी भएपनि रेडियो, पत्रपत्रिका मार्फत समेत सहभागी हुनको लागी आह्वान गरेको विद्यालय व्यवस्थापन समितीका अध्यक्ष पूर्णबहादुर श्रेष्ठ बताउनुभएको छ ।


साविक दुईपिपल गाविस र हाल बेलकोटगढी नगरपालिका वडा नं. ४, ५ र ६ भित्र रहेका विद्यालय मध्ये सबैभन्दा पुरानो एवम् उत्कृष्ट विद्यालयको रुपमा रहेको यस कामरुदेवी माविमा हाल कक्षा १२ सम्म अध्ययन हुदै आएको छ । दक्ष एवम लगनशील शिक्षकहरुबाट पठनपाठन हुदै आएको यस विद्यालयबाट उत्पादन भएका विद्यार्थीहरु ईञ्जिनियर, बैंकिङ, शिक्षक लगायतको क्षेत्रमा क्रिायशिल रहेको छ ।