विद्यार्थी श्रम शोषण बढेपछि विश्वविद्यालयले बिताब निकाल्यो

Posted on: May 02, 2016 | views: 216

२४ चैत, टोकियो ।
आफ्ना विद्यार्थीमाथि श्रम शोषण बढेको भन्दै जापानको एक विश्व विद्यालयले छुट्टै पुस्तक प्रकाशित गरेको छ ।

टोकियोमा रहेको वासेडा विश्व विद्यालयले आफ्ना नयाँ विद्ययार्थीका लागी भनेर यस्तो गाईडबुक प्रकाशन गरेको हो ।

विश्वविद्यालयले आफ्ना नयाँ र पुराना समेत विद्यार्थीहरुलाई काममा लगाउँदा विभिन्न कम्पनीहरुले ठग्ने गरेको तथा श्रम शोषण हुने गरेको भन्दै यसबारेमा जानकारी दिन पुस्तक प्रकाशित गरेको बताएको छ ।

आंशिक समय काम गरेर गुजारा चलाउने विद्यार्थीहरु माथी कम्पनीका मालिकले गर्ने गरेको श्रम शोषणबाट मुक्त गराउने उद्देश्यका साथ ९५०० गाईड बुक प्रकाशन गरेको विश्वविद्यालयले जनाएको छ ।

वासेडा थुनिभर्सिटीका प्राध्यापक, कर्मचारी र कानुनका विद्ययार्थीहरुबाट तयार किताबमा श्रम शोषणमा परेका १७ जना विद्ययार्थीको घटनाक्रम समेतलाई समावेश गरिएको छ ।

किताबले विद्यार्थीलाई श्रम शोषणमा पर्नबाट सचेत गराउने भन्दै विश्व विद्यालयले कानुनी उपायका बारेमा समेत विद्यार्थीहरुलाई पुस्तकले जानकारी दिने बताएको छ ।