चिट चोरेर एमबीबीएस डाक्टर, चोर्ने र चोराउने अत्याधुनिक प्रविधि सहित पक्राउ

Posted on: October 15, 2017 | views: 910

काठमाडौं ।

डाक्टर पढ्ने एमबीबीएस जस्तो संवेदनशिल प्रवेश परीक्षामा समेत चिट चोरेर उत्तिर्ण हुनेगरेको पाइएको छ ।


यसरी चिट पनि पुरातन प्रविधि नभई आधुनिक प्रविधिको वायरलेस डिभाइस मार्फत चिट चोर्ने र चोराउने ११ जनालाई प्रहरीले पक्राउ गरेको छ ।


भाइवर मार्फत प्रश्नपत्र आउट गर्ने र विद्यार्थीलाई वायरलेस डिभाइस मार्फत चिट चोराउने गिरोहलाई महानगरीय अपराध महाशाखाले पक्राउ गरेको हो ।


पक्राउ पर्नेमा राजिवकुमार सिंह, सिखा झा, राहुल झा, सक्षमराज भण्डारी, मुकेशकुमार यादव, आशुतोष कुमार झा लगायत छन्। स्रोतका अनुसार सिखा झा र राहुल झाले प्रति विद्यार्थी १५र १५ लाख लिएर प्रश्नपत्र आउट गराउँदै प्रविधि मार्फत चिट चोराउने धन्दा सञ्चालन गरेका हुन्। पक्राउ पछि प्रारम्भिक अनुसन्धान थालिएको महाशाखाका एसएसपी दिवेश लोहनीले बताए।


स्रोतका अनुसार गिरोहले परीक्षा सुरु हुनु भन्दा अघि भाइवर मार्फत प्रश्नपत्र आउट गर्ने गरेको देखिएको छ। चिट चोराएर पास गराउने भन्दै रकम लिएका विद्यार्थीको कानमा विशेष प्राकारको वायरलेस डिभाइस राखेर बाहिरबाट उनीहरुले उत्तर टिपाउने गर्थे ।