एसएलसी दिने विद्यार्थीलाई परीक्षा नियन्त्रण कार्यालयले दियो ठूलो मौका !

Posted on: May 02, 2016 | views: 214

काठमाडौँ, १५ चैत । परीक्षा नियन्त्रण कार्यालयले प्रवेशिका (एसएलसी) परीक्षामा संलग्न परीक्षार्थीले व्यक्तिगत विवरण सच्याउनुपर्ने भएमा परीक्षा केन्द्रमै आवेदन दिन सक्ने भएका छन् । पहिलो पटक गरिएको सोव्यवस्थाबाट परीक्षार्थीको नाम, थर, जन्म मिति र विषयलगायतमा त्रुटि कम हुने देखिएको छ । विवरण गलत हुँदा वर्षौसम्म क्षेत्रीय शिक्षा निर्देशनालयमा धाउने समस्या अन्त्य गर्न खोजिएको भन्दै परीक्षा नियन्त्रक कृष्णप्रसाद काप्रीले उनीहरुलाई परीक्षाको अन्तिम दिनमा सम्पूर्ण विवरण उल्लेख भएका परिचयपत्र उपलब्ध र विद्यार्थीले कुनै त्रुटि देखेमा तत्कालै सम्बन्धित परीक्षा केन्द्रमा विवरण सच्याउन निवेदन दिन सक्ने जानकारी दिनुभयो ।शिक्षा पत्रकार सञ्जाल (इजोन)ले आज यहाँ आयोजना गरेको अन्तरक्रियामा उहाँले विद्यालय, अभिभावक र विद्यार्थीको लापरबाहीका कारण यस्तो समस्या देखिने गरेकाले सकेसम्म कम गराउन खोजिएको बताउनुभयो । यही चैत १८ गतेबाट सुरु हुने यस वर्षको एसएलसी परीक्षामा कुल छ लाख १५ हजार ५५३ परीक्षार्थी सम्मिलित हुँदैछन् । सबैभन्दा बढी काठमाडौँका ३५ हजार ७२९ र सबैभन्दा कम मनाङका ६३ परीक्षार्थी सम्मिलित हुनेछन् । परीक्षामा देशभर ७२ हजार ८९६ जनशक्ति परिचालन गरिने भएको छ । सुरक्षाकर्मीमात्रै २९ हजार १४५ परिचालन हुनेछन् भने परीक्षालाई स्वच्छ र मर्यादित बनाउन शिक्षा सेवाका १८ सहसचिवलाई अनुगनममा खटाइनेछ । पाठ्यक्रम विकास केन्द्रका कार्यकारी निर्देशक बाबुराम पौडेलले यस वर्षबाट विद्यार्थीको मूल्याङ्कन अक्षराङ्कन ९ग्रेडिङ० पद्धतिबाट हुने भन्दै विसं १९९४ सालबाट ग्रेडिङ पद्धति लागू गर्ने चर्चा चले पनि ८० वर्षपछि लागू गर्न लागिएको जानकारी दिनुभयो । रासस