सुदूरपश्चिमका १५ सय ८७ विद्यार्थी एसएलसी दिन नपाउने

Posted on: May 03, 2016 | views: 200

पप्पु गुरुङ्, १५ चैत्र / कञ्चनपुर । एसएलसी परिक्षाको लागी आवेदन फारम भरेका सुदुरपश्चिमका १७ सय ८७ बिद्यार्थीहरु परिक्षा दिनबाट बन्चित हुने भएका छन्  बिद्यालयमा ७५ प्रतिशत हाजिरी नभएका र समयमै राजस्व अर्थात परिक्षा फारम शुल्क नबुझाएका १५ सय ८७ बिद्यार्थीहरु परिक्षा दिनबाट बन्चित हुने भएका छन् । सबै भन्दा बढी कैलालीबाट ४ सय ९ जना र सबै भन्दा कम डडेल्धुराबाट ५८ जना परिक्षार्थी एसएलसी परिक्षाका लागी अयोग्य ठहरिएका हुन् । एसएलसी परिक्षा ठुलो संख्यामा बिद्यार्थी अयोग्य ठहरिएकोमा शिक्षा बिदहरुले चिन्ता प्रकट गरेका छन्  सुदुरपश्चिमका ९ जिल्लाबाट १५ सय ६७ परिक्षार्थी एसएलसी परिक्षा दिनबाट बन्चित भएका हुन् । सबै भन्दा बढी परिक्षार्थी रहेको कैलालीमा ७५ प्रतिशत हाजिरी नपुगे पछि ४ सय ९ जना परिक्षार्थीहरु एसएलसीका लागी अयोग्य ठहरिएका जिल्ला शिक्षा कार्यालय कैलालीले जनाएको छ् । ४ सय ९ जना मध्ये कैलालीका पहाडी र ग्रामिण क्षेत्रका सबै भन्दा बढी बिद्यार्थी रहेको जिल्ला शिक्षा अधिकारी गणेश बहादुर सिंहले बताएका छन् । १२ हजार ६ सय ८८ परिक्षार्थी रहेको कञ्चनपुरकाट पनि २ सय ३८ परिक्षार्थी परिक्षा दिन नपाउने भएका जिल्ला शिक्षा अधिकारी श्याम सिंह धामीले बताएका छन् । डोटीमा २ हजार ५ सय ६२ मध्ये १ सय १ जना परिक्षार्थी ७५ प्रतिशत हाजिरी नपुगेकै कारण एसएलसी परिक्षाका लागी अयोग्य ठहरिएका छन् । ८ हजार ८ हजार ५ सय १० परिक्षार्थी रहेको बैतडीमा पनि २ सय ९ जना परिक्षार्थी परिक्षा दिन नपाउने भएको बैतडीका जिल्ला शिक्षा अधिकारी लाल सिंह टेरले जानकारी दिएका छन् । ४ हजार ३ सय ३७ परिक्षार्थी रहेको दार्चुलामा पनि १ सय ९ जना र ४ हजार ७ सय ६४ परिक्षार्थी रहेको बाजुराका ८६ जना बिद्यार्थी एसएलसी परिक्षाबाट बन्चित हुनेभएका छन् । बझाङ्गका ५ हजार ८ सय ५० परिक्षार्थी रहेका मध्ये १ सय ८७ परिक्षार्थी पनि एसएलसी परिक्षा दिन नपाउने भएका छन् ।